உலக பாரம்பரிய சின்னமாக்க செஞ்சிக் கோட்டையில் யுனெஸ்கோ குழுவினா் ஆய்வு

விழுப்புரம் மாவட்டத்தில் உள்ள வரலாற்றுச் சின்னமான செஞ்சிக் கோட்டையை உலக பாரம்பரிய சின்னமாக அறிவிக்கும் வகையில், யுனெஸ்கோ தொல்லியல் களங்களுக்கான அவை நிபுணா் ஹிவாஜாங் லீ தலைமையில், மத்திய தொல்லியல் குழுவினா் செஞ்சிக் கோட்டைக்கு வெள்ளிக்கிழமை வந்து சுற்றிப் பாா்த்து ஆய்வு செய்தனா்.

செஞ்சிக் கோட்டைக்கு காலை 10 மணிக்கு வந்த யுனெஸ்கோ குழுவினரை சிறுபான்மையினா் நலன் மற்றும் வெளிநாடு வாழ் தமிழா் நலத் துறை அமைச்சா் செஞ்சி கே.எஸ்.மஸ்தான், மாவட்ட ஆட்சியா் சி.பழனி ஆகியோா் பூங்கொத்து கொடுத்து வரவேற்றனா்.

செஞ்சிக் கோட்டையை தேசிங்குராஜன் உள்ளிட்ட பல்வேறு மன்னா்கள் ஆட்சி செய்தனா். இவா்களில் முக்கியமானவா் மராட்டிய மன்னா் சத்ரபதி சிவாஜி. இவரது ஆட்சியில் செஞ்சிக் கோட்டை 12 ராணுவ கேந்திரங்களாக இருந்துள்ளன. மராட்டியா்கள் கி.பி. 1678-ஆம் ஆண்டு முதல் 1697-ஆம் ஆண்டு வரை செஞ்சிக் கோட்டையை தலைமையிடமாகக் கொண்டு ஆட்சி புரிந்தனா். வரலாற்று சிறப்புமிக்க இந்தக் கோட்டையை புராதன சின்னமாக அறிவிக்க வேண்டுமென யுனெஸ்கோவிடம் மத்திய அரசு கோரிக்கை விடுத்தது.

இதன்படி, யுனெஸ்கோ பிரதிநிதியான தென்கொரியாவைச் சோ்ந்த அனைத்துலக தொல்லியல் அவை நிபுணா் ஹிவாஜாங் லீ-யுடன் மத்திய தொல்லியல் துறையைச் சோ்ந்த 7 போ் குழுவினா் செஞ்சிக் கோட்டைக்கு வெள்ளிக்கிழமை வந்து கோட்டையை சுற்றிப் பாா்த்து ஆய்வு செய்தனா்.

பின்னா், இந்தக் குழுவினா் பிற்பகல் 3 மணியளவில் மக்கள் பிரதிநிதிகள், ராஜாதேசிங்கு வம்சா வழியினா், தன்னாா்வலா்கள் உள்ளிட்ட 30 பேருடன் ஆய்வுக்கூட்டம் நடத்தினா். அப்போது, யுனெஸ்கோ குழுவினரிடம் செஞ்சிக் கோட்டையை புராதன நினைவுச்சின்னமாக அறிவிக்க அனைத்து தகுதியும் உள்ளதாகவும், அதற்கான புகைப்படங்கள், ஆதாரங்களை மக்கள் பிரதிநிதிகள் விளக்கிக் கூறினா். பின்னா், இது தொடா்பாக ஊராட்சி ஒன்றியக் குழுத் தலைவா் ஆா்.விஜயகுமாா், பேரூராட்சி மன்றத் தலைவா் மொக்தியாா்அலிமஸ்தான் உள்ளிட்டோா் மனு அளித்தனா்.

இதையடுத்து, வருவாய்த் துறையினரிடம் கோட்டையை சுற்றியுள்ள வனப்பாதுகாப்பு, வரலாற்று நிகழ்வுகள் குறித்து யுனெஸ்கோ குழுவினா் கேட்டறிந்தனா். தொடா்ந்து, அக்குழுவினரிடம் செஞ்சிக்கோட்டையை பாரம்பரிய சின்னமாக அறிவிக்க வேண்டும் என்பதற்கான திட்ட அறிக்கையை வருவாய்த் துறையினா் அளித்தனா்.

‘9 மாதங்களில் அறிவிக்கப்படும்’: யுனெஸ்கோவின் தொல்லியல் களங்களுக்கான அவை நிபுணா் ஹிவாஜாங் லீ பேசுகையில், கோட்டையை சுற்றிப் பாா்த்து ஆய்வு செய்தேன். மிகச்சிறப்பாக உள்ளது. ஆய்வு அறிக்கையை யுனெஸ்கோவிடம் வழங்குவேன். அவா்கள் அந்த அறிக்கையை ஆய்வு செய்து 9 மாத காலத்துக்குள் பாரம்பரிய சின்னத்துக்கான அறிவிப்பை வெளியிடுவா் என்றாா்.

அமைச்சா் செஞ்சி மஸ்தான் கூறியது: உலக சுற்றுலா தினத்தையொட்டி, செஞ்சிக் கோட்டையை யுனெஸ்கோ குழுவினா் ஆய்வு செய்துள்ளதன் மூலம் கூடுதல் சிறப்பு கிடைத்துள்ளது. செஞ்சிக் கோட்டை உலக சுற்றுலாத்தலத்தில் அங்கமாக இடம்பெற வேண்டும் என்பதுதான் அனைவரின் நீண்டகால விருப்பம்.

எனவே, செஞ்சிக்கோட்டையை பாரம்பரிய சின்னமாக யுனெஸ்கோ அறிவிக்க வேண்டும் என்று தமிழக மக்களின் சாா்பாக வேண்டுகோள் விடுக்கப்பட்டுள்ளது என்றாா்.

நிகழ்வில் மாவட்ட எஸ்.பி. தீபக் சிவாச், கூடுதல் ஆட்சியா் ஸ்ருதஞ்ஜெய்நாராயணன், மாவட்ட வன அலுவலா் சுமேஷ்சோமன், தொல்லியல் துறை கண்காணிப்பாளா் டாக்டா கசானா, செஞ்சி வட்டாட்சியா் ஏழுமலை, மாவட்ட சுற்றுலா அலுவலா் ஜனாா்த்தனன், வரலாற்று பேராசிரியா் ரமேஷ், மேல்மலையனூா் ஒன்றியக்குழுத் தலைவா் கண்மணி நெடுஞ்செழியன், வல்லம் ஒன்றியக் குழுத் தலைவா் அமுதா ரவிக்குமாா் உள்ளிட்டோா் கலந்துகொண்டனா்.