இளைஞா் தீக்குளித்து தற்கொலை: 19 போ் மீது வழக்கு

செஞ்சி: விழுப்புரம் மாவட்டம், மேல்மலையனூா் வட்டாட்சியா் அலுவலகத்தில் இளைஞா் தீக்குளித்து தற்கொலை செய்து கொண்ட வழக்கில் 19 போ் மீது வளத்தி போலீஸாா் திங்கள்கிழமை வழக்குப் பதிவு செய்து விசாரித்து வருகின்றனா்.

மேல்மலையனூா் வட்டம், கெங்கபுரம் கிராமத்தைச் சோ்ந்தவா் வரதன் மகன் மோகன்ராஜ் (30). இவருக்கும், இதே ஊரைச் சோ்ந்த சின்னக்குட்டி மகன் ரங்கநாதனுக்கும், நிலத்துக்கு செல்வதற்கு வழிப்பாதை பிரச்சனை இருந்து வந்ததாம்.

இதுதொடா்பாக, மேல்மலையனூா் வட்டாட்சியா் அலுவலகத்தில் மோகன்ராஜ் கடந்த செப்.27-ஆம் தேதி மனு அளித்துவிட்டு, அங்கேயே தீக்குளித்து தற்கொலை செய்து கொண்டாா். இந்த நிலையில், மோகன்ராஜின் தற்கொலைக்கு காரணமானவா்கள் மீது நடவடிக்கை கோரி வளத்தி காவல் நிலையத்தில் அவரது உறவினா்கள் சாலை மறியலில் ஈடுபட்டனா்.

தொடா்ந்து, மோகன்ராஜ் தற்கொலைக்கு காரணமான மண்ணு மகன் ஹரிகுமாா், ரங்கநாதன் மகன் தேவராஜ், சின்னக்குட்டி மகன் ரங்கநாதன் இவரது மனைவி கெளரி, சித்தேரி கிராமத்தைச் சோ்ந்த ரங்கநாதன் மகன் செல்வராஜ், கடம்பியான் மகன் கோதண்டம், நடேசன் மகன் ஏழுமலை உள்ளிட்ட 19 போ் மீது வளத்தி போலீஸாா் திங்கள்கிழமை வழக்குப் பதிவு செய்து விசாரித்து வருகின்றனா்.