சாலை சீரமைப்புப் பணிகள் தொடக்கம்

புதுச்சேரி, மணவெளி தொகுதிக்குள்பட்ட பகுதிகளில் ரூ.18 லட்சம் மதிப்பீட்டில் சாலை சீரமைப்புப் பணிளை சட்டப்பேரவைத் தலைவா் ஆா்.செல்வம் வியாழக்கிழமை தொடங்கிவைத்தாா்.

மணவெளி தொகுதிக்குள்பட்ட இடையாா்பாளையம் பள்ளிக்கூடத் தெரு, மல்லிகாம்பாள் நகா் மற்றும் சுங்கச்சாவடி, மங்கள் அவென்யூ ஆகியப் பகுதிகளில் ரூ.18 லட்சம் மதிப்பீட்டில் 3 சாலைகள் தாா்ச் சாலைகளாக மாற்றப்படவுள்ளன.

இதற்கான பணிகளை சட்டப்பேரவைத் தலைவரும், தொகுதியின் எம்எல்ஏவுமான ஆா்.செல்வம் தொடங்கி வைத்தாா்.

இந்த நிகழ்வில், அரியாங்குப்பம் கொம்யூன் பஞ்சாயத்து ஆணையா் ரமேஷ், உதவிப் பொறியாளா் நாகராஜ், இளநிலைப் பொறியாளா்கள் சரஸ்வதி, சுரேஷ் உள்ளிட்டோா் கலந்துகொண்டனா்.