பட்டா பெயா் மாற்றத்துக்கு ரூ.10 ஆயிரம் லஞ்சம்: கிராம நிா்வாக அலுவலா் கைது

விழுப்புரம் மாவட்டம், செஞ்சி அருகே பட்டா பெயா் மாற்றத்துக்கு ரூ.10 ஆயிரம் லஞ்சம் பெற்ாக கிராம நிா்வாக அலுவலா் வியாழக்கிழமை கைது செய்யப்பட்டாா்.

செஞ்சி வட்டம், வரிக்கல் கிராமத்தைச் சோ்ந்தவா் கோகுலகிருஷ்ணன் (33). இவா், தனது தந்தை பெயரில் உள்ள பட்டாவை தன் பெயருக்கு மாற்றுவதற்கு கடந்த ஆண்டு அக்டோபா் 26-ஆம் தேதி விண்ணப்பம் செய்திருந்தாா்.

இந்த பட்டா பெயா் மாற்றம் செய்ய கிராம நிா்வாக அலுவலா் தேவராஜ் (46) ரூ.10 ஆயிரம் லஞ்சமாக கேட்டாராம். ஆனால், லஞ்சம் கொடுக்க விரும்பாத கோகுலகிருஷ்ணன், இதுகுறித்து விழுப்புரம் ஊழல் தடுப்பு மற்றும் கண்காணிப்புப் பிரிவில் புகாா் அளித்தாா்.

இதையடுத்து, ஊழல் தடுப்பு போலீஸாா் ஆலோசனைப்படி, வியாழக்கிழமை வரிக்கல் கிராமத்தில் கிராம நிா்வாக அலுவலா் தேவராஜிடம், அவரது அலுவலகத்தில் வைத்து ரூ.10 ஆயிரத்தை கோகுலகிருஷ்ணன் கொடுத்தாா்.

அப்போது, அங்கு மறைந்திருந்த ஊழல் தடுப்பு துணை கண்காணிப்பாளா் அழகேசன் தலைமையிலான போலீஸாா் தேவராஜை, பணத்துடன் கையும், களவுமாக பிடித்து கைது செய்தனா். இதைத் தொடா்ந்து, அவரை செஞ்சி வட்டாட்சியா் அலுவலகம் அழைத்துச் சென்று விசாரணை மேற்கொண்டு வருகின்றனா்.