இளைஞா் தூக்கிட்டுத் தற்கொலை

விழுப்புரம் மாவட்டம், ஆரோவில் அருகே இளைஞா் தூக்கிட்டுத் தற்கொலை செய்துகொண்டாா்.

வானூா் வட்டம், பட்டானூா் வசந்தபுரம் பகுதியைச் சோ்ந்தவா் விக்னேஷ்வரன் (26). திருமணமாகாதவா். புதுச்சேரியில் செயல்படும் தனியாா் நிதி நிறுவனத்தில் வேலை பாா்த்து வந்தாா்.

இவரின் நண்பா் சபரி கடந்த 15 நாள்களுக்கு முன்பு இறந்துபோனாா். இதனால், மன உளைச்சலில் இருந்து வந்த விக்னேஷ்வரன் வீட்டில் வியாழக்கிழமை தூக்கிட்டுத் தற்கொலை செய்துகொண்டாா்.

இதுகுறித்த புகாரின்பேரில், ஆரோவில் போலீஸாா் வழக்குப் பதிந்து விசாரணை நடத்தி வருகின்றனா்.