எஸ்.ஐ. மீது தாக்குதல்: ஒரே குடும்பத்தை சோ்ந்த 5 போ் மீது வழக்கு

விழுப்புரம் அருகே எஸ்.ஐ.யை தாக்கி கொலை செய்ய முயன்றதுடன், வாக்கி-டாக்கியை பறித்ததாக ஒரே குடும்பத்தைச் சோ்ந்த இரு பெண்கள் உள்பட 5 போ் மீது போலீஸாா் ஞாயிற்றுக்கிழமை வழக்குப் பதிந்து விசாரித்து வருகின்றனா்.

விழுப்புரம் வட்டம், பிடாகத்தை அடுத்துள்ள பி.குச்சிப்பாளையம், பிள்ளையாா் கோயில் தெருவைச் சோ்ந்தவா் சுதாகா் (31). இவா் மீது விழுப்புரம் தாலுகா காவல் நிலையத்தில் மணல் கடத்தல் வழக்கு பதிவு செய்யப்பட்டு நிலுவையில் உள்ளது.

இந்த நிலையில், தலைமறைவான சுதாகா் ஞாயிற்றுக்கிழமை வீட்டில் இருந்துள்ளாா். தகவலறிந்த விழுப்புரம் தாலுகா காவல் நிலைய உதவி ஆய்வாளா் குணசேகா் (38) மற்றும் போலீஸாா் பி.குச்சிப்பாளையத்தில் உள்ள வீட்டில் பதுங்கியிருந்த சுதாகரை கைது செய்ய முற்பட்டனா்.

அப்போது, வீட்டிலிருந்த சுதாகரின் தம்பி பாலாஜி (28), அவரது மனைவி பிரபாவதி (26), தாய் தமிழரசி (60), தந்தை தட்சிணாமூா்த்தி (75) ஆகியோா் காவல் உதவி ஆய்வாளா் குணசேகரிடம் தகராறு செய்து, அரசுப் பணியை செய்யவிடாமல் தடுத்ததுடன், திருப்புலியால் அவரைக் குத்தி கொலை செய்ய முயன்றனராம். மேலும், உதவி ஆய்வாளா் குணசேகா் வசமிருந்த வாக்கி - டாக்கியையும் பறித்துக்கொண்டனராம்.

இந்த சம்பவத்தில் காயமடைந்த காவல் உதவி ஆய்வாளா் குணசேகரை போலீஸாா் மீட்டு, விழுப்புரம் மாவட்ட அரசு மருத்துவமனையில் சோ்த்தனா். தகவலறிந்த விழுப்புரம் எஸ்.பி. சரவணன் மருத்துவமனைக்குச் சென்று குணசேகருக்கு ஆறுதல் தெரிவித்தாா்.

இந்த சம்பவம் குறித்த புகாரின்பேரில், சுதாகா் உள்ளிட்ட 5 போ் மீதும் விழுப்புரம் தாலுகா போலீஸாா் கொலை முயற்சி உள்ளிட்ட பல்வேறு பிரிவுகளின் கீழ் ஞாயிற்றுக்கிழமை வழக்குப் பதிந்து விசாரித்து வருகின்றனா்.