Enable Javscript for better performance
பண விநியோகத்தை தடுப்பதற்கு அமைக்கப்பட்ட சோதனைச் சாவடிகள் மூடல்: ராமதாஸ் கண்டனம்- Dinamani

சுடச்சுட

    

    பண விநியோகத்தை தடுப்பதற்கு அமைக்கப்பட்ட சோதனைச் சாவடிகள் மூடல்: ராமதாஸ் கண்டனம்

    By DN  |   Published on : 15th May 2016 02:29 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    PMK ramdoss

    சென்னை: தமிழகத்தில் நாளை வாக்குப் பதிவு நடைபெறவுள்ள நிலையில், பண விநியோகத்தை கட்டுப்படுத்துவதற்காக அமைக்கப்பட்ட சோதனைச் சாவடிகள் மூடப்பட்டதற்கு பாமக தலைவர் ராமதாஸ் கண்டனம் தெரிவித்துள்ளார்.வாக்குப் பதிவு முடிவடைவதற்கு முன்பாகவே சோதனைச் சாவடிகளை மூடியது கண்டிக்கத்தக்கது என பட்டாளி மக்கள் கட்சி நிறுவனத் தலைவர் ராமதாஸ் கூறியுள்ளார்.

    இதுதொடர்பாக அவர் வெளியிட்ட அறிக்கை:

    தமிழகத்திலுள்ள அனைத்து தொகுதிகளிலும் கடந்த ஒரு வாரமாகவே வாக்காளர்களுக்கு பணம் வழங்கப்பட்டு வருகிறது. பண விநியோகத்தை தடுக்க நடவடிக்கை எடுக்க வேண்டும் என்று தேர்தல் ஆணையத்திற்கு ஏராளமான புகார்கள் கொடுத்தும் எந்த நடவடிக்கையும் எடுக்கப்படவில்லை.

    தேர்தலுக்கு முதல் நாளான இன்று தான் பெருமளவில் பண விநியோகம் நடைபெறும். அதனால் இன்று தான் கண்காணிப்பு தீவிரமாக நடைமுறைப்படுத்தப்பட வேண்டும். ஆனால், தமிழகத்தில் அனைத்து சோதனைச் சாவடிகளும் இன்று செயல்படவில்லை. எந்த சோதனைச் சாவடியிலும் ஆட்கள் இல்லை; அதிகாரிகளும் இல்லை.

    சோதனைச்சாவடி அலுவலகங்கள் மூடப்பட்ட நிலையில் இருக்க , அனைத்து வாகனங்களும் எந்த கட்டுப்பாடும் இல்லாமல் செல்கின்றன. பென்னாகரத்திலிருந்து சென்னை வரும் வழியில் பல சோதனைச்சாவடிகள் திறந்து கிடந்ததை நானே நேரில் பார்த்தேன். தமிழகத்தின் அனைத்து தொகுதிகளிலும் இதேநிலை தான் இருப்பதாக தகவல் கிடைத்திருக்கிறது.

    கடந்த தேர்தலின் போது வாக்குப்பதிவுக்கு இரு நாட்கள் முன்பாக தமிழகம் முழுவதும் 144 தடை உத்தரவு பிறப்பித்து வாக்காளர்களுக்கு ஆளுங்கட்சி தடையின்றி பண விநியோகம் செய்ய தேர்தல் ஆணையம் உதவி செய்தது. இந்த ஆண்டு சோதனைச்சாவடிகளை திறந்து வைத்து வாக்காளர்களுக்கு தருவதற்கான பணத்தை தடையின்றி கொண்டு செல்ல ஆணையம் உதவி செய்கிறது.

    தமிழகத்தில் இந்த அளவுக்கு பண விநியோகம் நடைபெற்ற பிறகு தேர்தல் நியாயமாக நடைபெற வாய்ப்புக்கள் இல்லை. எனவே, தமிழக சட்டமன்ற தேர்தலை ஒத்தி வைத்து, நேர்மையாகவும், சுதந்திரமாகவும் நடத்துவதற்கான ஏற்பாடுகளை செய்த பிறகு வாக்குப்பதிவை தேர்தல் ஆணையம் நடத்த வேண்டும் என்றார் ராமதாஸ்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai