புதன்கிழமை 16 ஜனவரி 2019

வேளாண் அறிவியல் சேர்க்கை: விருப்பப் பாடங்கள், கல்லூரி பதிவு தொடக்கம்

DIN | Published: 11th September 2018 09:42 AM

வேளாண் அறிவியல் மாணவர் சேர்க்கைக்காக விருப்பப் பாடங்கள், விருப்பக் கல்லூரிகளின் பட்டியலை பதிவுசெய்யும் நடைமுறை தொடங்கியுள்ளது.
இதுகுறித்து கர்நாடக தேர்வு ஆணையம் வெளியிட்டுள்ள செய்திக்குறிப்பு: 2018-19-ஆம் ஆண்டில் வேளாண் கல்வி மாணவர் சேர்க்கை பெறுவதற்கு முன்பாக மாணவர்கள் தெரிவுசெய்ய விரும்பும் விருப்பப் பாடங்கள், விருப்பக் கல்லூரிகளின் பட்டியலை இணையதளத்தில் பதிவு செய்வது அவசியமாகும். அதற்கான நடைமுறை
செவ்வாய்க்கிழமை (செப்.11) மாலை 4 மணிக்கு தொடங்குகிறது.
மாநிலத்தில் உள்ள வேளாண் கல்லூரிகள், பல்கலைக்கழகங்களில் காலியாக இருக்கும் சேர்க்கை இடங்கள் குறித்த பட்டியல் வெளியிடப்படுகிறது. இதன்படி, செப். 17-ஆம் தேதி நண்பகல் 1 மணி முதல் செப். 19-ஆம் தேதி காலை 11மணி வரை விருப்பப் பாடங்கள், விருப்பக்
கல்லூரிகளை பதிவுசெய்யலாம்.  இதனடிப்படையில், செப். 19-ஆம் தேதி மாலை 6 மணிக்கு  w‌w‌w.‌k‌e​a.‌k​a‌r.‌n‌i​c.‌i‌n என்ற இணையதளத்தில் மாதிரி சேர்க்கை இடங்கள் ஒதுக்கீட்டு பட்டியல் வெளியிடப்படுகிறது. இதில் கல்லூரி வாரியாக, பாடப் பிரிவு வாரியாக கட்-ஆஃப் தரவரிசைப் பட்டியலின் அடிப்படையில் இடங்கள் ஒதுக்கப்பட்டதை மாணவர்கள் அறியலாம். இடங்கள் ஒதுக்கியதில் திருப்தி அடைந்த மாணவர்கள் செப். 20 முதல் 23-ஆம் தேதி வரை இணையதளத்தில் அதை உறுதி செய்யலாம். சேர்க்கை உறுதி சான்றிதழை இணையதளத்தில் இருந்து தரவிறக்கம் செய்துகொண்டு, செப். 24-ஆம் தேதி மாலை 5.30 மணிக்குள் சம்பந்தப்பட்ட கல்லூரிகளுக்கு நேரில் சென்று சேர்க்கை பெறலாம்.
 

More from the section

கர்நாடக ஹிந்து நாடார் சங்கம் சார்பில் பொங்கல் விழா கொண்டாட்டம்
பெங்களூரு தமிழ்ச் சங்கம் சார்பில் நாளை பொங்கல் விழா
காங்கிரஸ்-ம.ஜ.த. கூட்டணி அரசுக்கு ஆபத்து இல்லை: கர்நாடகத் துணை முதல்வர் ஜி.பரமேஸ்வர்
நல உதவிகளை வழங்குவதுதான் மன நிம்மதியைத் தரும்: எஸ்.டி.குமார்


மனைவி கொலை:  கணவர் கைது