வெள்ளிக்கிழமை 18 ஜனவரி 2019

மேலூர் அருகே கோயில்  திருவிழா: ஏழை காத்த  அம்மனாக சிறுமிகள் தேர்வு

DIN | Published: 12th September 2018 09:47 AM

வெள்ளலூர் பகுதியில் ஏழை காத்த அம்மன் கோயில் திருவிழாவை யொட்டி அம்மனாக 7 சிறுமியரை செவ்வாய்க்கிழமை தேர்வு செய்தனர்.
இத் திருவிழாவில் 7 சிறுமியரை ஏழை காத்த அம்மனாக மக்கள் வழிபட்டு வருகின்றனர். இதற்காக பாரம்பரிய வழக்கப்படி வெள்ளலூர் பகுதியைச் சேர்ந்த 58 கிராமங்களில் வசிக்கும் மக்கள் கரை வரிசைப்படி சிறுமியர்கள் வெள்ளலூரில் உள்ள கோயிலில் திரண்டனர். அதில் 7 சிறுமியரை அம்மனாக கோயில் பூசாரி சின்னத்தம்பி தேர்வு செய்தார்.
  செவ்வாய்க்கிழமை முதல் இச்சிறுமியர் கோயில் வீட்டிலேயே தங்கியிருப்பர். மேலும், இப்பகுதி மக்கள் 15 நாள்களுக்கு விரதம் மேற்கொள்வர். கோயில் வீட்டிலுள்ள 7 சிறுமியரும் ஒவ்வொரு கிராமத்துக்கும் சென்று வழிபாடுகளை மேற்கொள்வர். 15 ஆவது நாளில் மண் கலயத்தில் பால் ஊற்றி, அதில் தென்னம்பாளையை வைத்து மது எடுப்புத் திருவிழாவாகக் கொண்டாடப்படும். மது கலயங்களை பெண்கள் ஊர்வலமாக எடுத்து வருவர்.

More from the section

மேலூரில் மாட்டு வண்டிப் பந்தயம் மீண்டும் நடத்தப்படுமா? "ரேக்ளா' ஆர்வலர்கள் எதிர்பார்ப்பு


கிராமத்திற்குள் அத்துமீறி நுழைந்தவர்களை கைது செய்யக்கோரி காவல்நிலையம் முற்றுகை

எம்ஜிஆர் 102 ஆவது பிறந்த நாள்: சிலைக்கு அதிமுக, அமமுகவினர் மரியாதை
ஆனையூர் பகுதியில் ஜனவரி 19 மின்தடை
அலங்காநல்லூர் ஜல்லிக்கட்டு "மதுரைக் காவலன்' செயலியில் 56 ஆயிரம் பேர் கண்டுகளிப்பு