புதன்கிழமை 19 டிசம்பர் 2018

கோட்டை முனீஸ்வரர் கோயில் தோரண வாயில் கும்பாபிஷேகம்

DIN | Published: 15th November 2018 04:18 AM

ராமநாதபுரம் மாவட்டம் கமுதி அருகே கோட்டைமேட்டில் உள்ள கோட்டையில் அமைந்துள்ள முனீஸ்வரர் கோயில் நுழைவு தோரண வாயில் கும்பாபிஷேகம் புதன்கிழமை நடைபெற்றது.
இவ்விழாவினை முன்னிட்டு தோரணவாயில் முன்பு யாகசால பூஜை, அனுக்ஞை, விக்னேஷ்வர பூஜை, புண்யாக வாஜனம், மஹாகணபதி ஹோமம், தன பூஜை, மஹாலட்சுமி ஹோமம்,  வாஸ்து சாந்தி, நவகிரஹ ஹோமம், சாந்தி ஹோமம், திசா ஹோமம்,  தீபாராதனை நடைபெற்றது.  இதனையடுத்து தோரணவாயிலில் அமைக்கப்பட்டுள்ள கும்பங்களுக்கு கும்பாபிஷேகம் நடைபெற்றது.  பின்னர் தென் மண்டல ஐ.ஜி., சண்முகராஜேஸ்வரன் தோரண வாயிலை திறந்து வைத்தார்.  டி.ஐ.ஜி., காமினி, மாவட்ட எஸ்.பி., ஓம்பிரகாஷ்மீனா, கமுதி உதவி காவல் கண்காணிப்பாளர் சண்முகசுந்தரம், காவல் ஆய்வாளர்கள் சரவணன் (கமுதி), ஜான்சிராணி (அபிராமம்), லட்சுமி (பெருநாழி) உள்பட ஏராளமான பொதுமக்கள் பங்கேற்றனர்.

More from the section

விளங்குளத்தூரில் புதிய நிழற்கூடம் அமைக்கக் கோரிக்கை
பரமக்குடியில் கழிவுநீர் கலப்பதால் மாசுபடும் வைகையாறு
பள்ளி அருகே அபாய நிலையில் மேல்நிலை நீர் தேக்கத் தொட்டி
ராமநாதபுரத்தில் கடல் தொழிலாளர் சங்கத்தினர் காத்திருப்புப் போராட்டம்: மீனவர் குறைதீர் முகாம் நடத்த ஆட்சியர் ஒப்புதல்
ராமநாதபுரம் மாவட்டத்தில் நாளை கிராம சபைக் கூட்டம்