வெள்ளிக்கிழமை 22 பிப்ரவரி 2019

அனுமதியின்றி மதுவிற்ற 3 பேர் கைது

DIN | Published: 12th September 2018 07:45 AM

விராலிமலை அருகே அரசு அனுமதியின்றி மதுவை விற்ற 3 பேரை விராலிமலை போலீஸார் செவ்வாய்கிழமை கைது செய்தனர்.
விராலிமலை அருகேயுள்ள புதுப்பாட்டி பிரிவு, அருண் கார்டன் பகுதிகளில் அரசு மதுபாட்டில்களைப் பதுக்கி கள்ளச்சந்தையில் அதிக விலைக்கு விற்கப்படுவதாக விராலிமலை போலீஸாருக்கு ரகசியத் தகவல் கிடைத்தது. இதையடுத்து, அப்பகுதிகளில் காவல் துணை ஆய்வாளர் சுமையாபானு தலைமையில் போலீஸார் கண்காணிப்புப் பணியில் ஈடுபட்டனர். அப்போது, அருண் கார்டன் பகுதியில் மது விற்பனையில் ஈடுபட்ட இலுப்பூர் மேலபட்டியைச் சேர்ந்த மலையாண்டி மகன் முருகேசன்(35), விராலிமலை புதிய பேருந்து நிலையம் அருகே தேநீர் கடையில் மதுபாட்டில்களை பதுக்கி விற்பனையில் ஈடுபட்ட சுப்பையா மகன் சண்முகம் (53), புதுபட்டி பிரிவில் வீட்டில் மதுவைப் பதுக்கி விற்ற பூமாலை மகன் சுப்பிரமணி(57) ஆகிய 3 பேரைக் கைது செய்தனர். மேலும், அவர்களிடம் இருந்து 15 மது பாட்டில்களைப் பறிமுதல் செய்தனர்.
 

More from the section

அரசுப் பள்ளி முன்பு மாணவர்கள், பெற்றோர் தர்னா
விதிகளை மீறியதாக 8 விசைப்படகுகள் பறிமுதல்
திருவள்ளுவர், வள்ளலாரை தமிழர் அடையாளமாகக் கொள்ள வேண்டும்: கவிஞர் அறிவுமதி
அரசுப் பள்ளியில்  உலக தாய்மொழி தினப் போட்டிகள்
அரசுப் பள்ளிகளுக்கு கல்விச்சீர் அளிப்பு