புதன்கிழமை 20 மார்ச் 2019

நிதித் துறைச் செயலர் தகவல்

DIN | Published: 20th February 2019 08:52 AM

புதுவை அரசின் பிணைய பத்திரங்களுக்கு விரைவில் முதிர்வு தொகை வழங்கப்படவுள்ளது என்று நிதித் துறைச் செயலர் வி. கந்தவேலு தெரிவித்தார்.
இதுகுறித்து அவர் செவ்வாய்க்கிழமை வெளியிட்ட செய்திக் குறிப்பு:
புதுவை அரசு மாநில வளர்ச்சிக் கடனுக்காக,  நிதித் துறை அறிவிக்கை மூலம் கடந்த 2009-ஆம் ஆண்டு திரட்டிய கடன் தொகை ரூ.247.48 கோடி (8.55 சதவீதம் வட்டி வீதம்) வருகிற மார்ச் 18-ஆம் தேதியன்று, அரசு பிணைய பத்திரங்களை வைத்திருப்பவர்களுக்கு திருப்பிச் செலுத்தப்படும். பணக்கொடுப்பாணை (பே ஆர்டர்) அல்லது மின்னணு பரிமாற்றம் மூலம் உரிய தொகை அவர்களது வங்கிக் கணக்கில் செலுத்தப்படும். 
பிணையப் பத்திரங்களை வைத்துள்ளவர்கள் தங்கள் வங்கிக் கணக்கு விவரங்களை, ஸ்டேட் பாங்க் ஆப் இந்தியா கிளைகள், அதன் உபவங்கிகள், அரசு கருவூலங்கள்,  இவற்றில் அவர்கள் எதன் மூலம் மேற்சொன்ன பிணையப் பத்திர வட்டியை  தற்போது பெற்றுக்கொண்டு வருகின்றனரோ, அங்கு சமர்ப்பித்து முதிர்வுத் தொகையை பெற்றுக்கொள்ளலாம். மேற்சொன்ன வழிகளில் வங்கிக் கணக்கு விவரங்கள் இல்லாத பட்சத்தில் பிணையப் பத்திரதாரர்கள், ரிசர்வ் வங்கியின் பொது கடன் பிரிவு அலுவலகத்தில் பிணையப் பத்திரங்களை முதிர்வு தேதிக்கு இருபது நாள்கள் முன்பாக சமர்ப்பிக்க வேண்டும். 
முதிர்வு தொகையை முன்பு அனுமதிக்கப்பட்ட இடங்களில் அல்லாது வேறு இடங்களில் பெற விரும்புவோர் பிணையப் பத்திரங்களின் பின்புறம் அசலை பெற்றுக்கொண்டதாக சான்றளித்து அவற்றை ரிசர்வ் வங்கியின் பொதுக்கடன் பிரிவுக்கு காப்புறுதி செய்யப்பட்ட பதிவு தபாலில் அனுப்ப வேண்டும். அதனடிப்படையில், அரசு கருவூலம் அல்லது ஸ்டேட் பாங்க் ஆப் இந்தியா கிளைகள் அல்லது அதன் உப வங்கிகளின் கிளைகள் மூலம் பணப்பட்டுவாடா செய்யப்படும் எனத் தெரிவித்துள்ளார்
கந்தவேலு.
 

More from the section

கூட்டணி ஆதரவுக்காக மு.க. அழகிரியை சந்திக்க வாய்ப்பில்லை: டி.கே. ரங்கராஜன்
மாணவர்களுக்கு ஊட்டச்சத்து விழிப்புணர்வு
புதுவை தலைமை தேர்தல் அதிகாரியை மாற்றக்கூடாது: அதிமுக முன்னாள் எம்.எல்.ஏ. கோரிக்கை
கோயில் உண்டியலை உடைத்து பணம் திருட்டு
தட்டாஞ்சாவடி தொகுதி இடைத்தேர்தல்: இந்திய கம்யூனிஸ்ட் நிலைப்பாடு இன்று தெரியும்