சனிக்கிழமை 23 பிப்ரவரி 2019

நியூயார்க்கில் நயன்தாராவுடன் இணைந்து பிறந்த நாளைக் கொண்டாடிய இயக்குநர் விக்னேஷ் சிவன்!

By எழில்| DIN | Published: 18th September 2017 05:43 PM

 

தனுஷ் தயாரிப்பில் விஜய் சேதுபதி ஜோடியாக 'நானும் ரவுடிதான்' என்ற படத்தில் நடித்தார் நயன்தாரா. அந்தப் படத்தை விக்னேஷ் சிவன் இயக்கினார். இதனையடுத்து, நயன்தாராவுக்கும் இயக்குனர் விக்னேஷ் சிவனுக்கும் இடையே காதல் மலர்ந்திருப்பதாக செய்திகள் வெளிவந்தன.

நானும் ரவுடிதான் படப்பிடிப்பின் இறுதி நாளில் பட குழுவினர் செல்பி புகைப்படங்கள் எடுத்துக்கொண்டனர். அப்போது விக்னேஷ் சிவன், நயன்தாரா ஆகிய இருவரும் ஜோடியாக செல்பி எடுத்துக்கொண்டனர். அந்தப் புகைப்படங்களும் சமூக வலைதளங்களில் வெளிவந்தன. பிறகு, நயன்தாராவும், விக்னேஷ் சிவனும் ஒன்றாக இருப்பது போன்ற மற்றொரு படமும் வெளியானது. கடந்த வருடம் சிங்கப்பூரில் நடைபெற்ற சைமா விருது நிகழ்ச்சிக்காக அந்த நாட்டுக்குச் சென்ற நயன்தாரா, விமான நிலையத்தில் இயக்குநர் விக்னேஷ் சிவனுடன் சேர்ந்து சென்றார். இந்தக் காட்சியின் வீடியோவும் படங்களும் சமூகவலைத்தளங்களில் வெளியாகின.

இன்று, இயக்குநர் விக்னேஷ் சிவனின் பிறந்தநாள். இந்நிலையில் நயன்தாரா - விக்னேஷ் சிவன் ஆகிய இருவரும் பிறந்தநாள் கொண்டாட்டத்துக்காக நியூயார்க் சென்றுள்ளார்கள். 

இருவரும் அவரவர் படப்பிடிப்புப் பரபரப்புகளில் இருந்து சற்று விலகி, எவ்விதத் தொந்தரவுமின்றிப் பிறந்தநாளைக் கொண்டாட நியூயார்க் சென்றுள்ளார்கள். இந்நிலையில் அங்கு இருவரும் ஜோடியாக எடுத்துக்கொண்ட புகைப்படம் ஒன்று சமூகவலைத்தளங்களில் வெளியாகியுள்ளது. 

சூர்யா, கீர்த்தி சுரேஷ் நடிப்பில் விக்னேஷ் சிவன் இயக்கி வரும் படம் - தானா சேர்ந்த கூட்டம். இந்தப் படத்துக்கு அனிருத் இசையமைத்துள்ளார். இந்தப் படம் பொங்கல் அன்று வெளியாகும் எனச் சமீபத்தில் அறிவிக்கப்பட்டுள்ளது.

Tags : nayanthara Vignesh Shivan

More from the section

பிரபல இயக்குநர் ரூ. 10 லட்சம் அளிக்க முன்வந்தும் பாடல் வரிகளைத் தர மறுத்த கவிஞர் வைரமுத்து!
என் டி ஆருக்கு ஒருவேளை உணவு தராமல் புறக்கணித்தவர்கள் தான் அவரது மகன்கள்: பத்திரிகையாளர் பரபரப்பு புகார்!
15 வருடங்களுக்குப் பிறகு தமிழில் மீண்டும் நடிக்கவுள்ள அஜித் பட நாயகி!
விஜய் சேதுபதி நடித்துள்ள சூப்பர் டீலக்ஸ் பட டிரெய்லர் வெளியீடு!
பிரபல தெலுங்கு இயக்குநர் கோடி ராமகிருஷ்ணா காலமானார்