செவ்வாய்க்கிழமை 19 பிப்ரவரி 2019

அஜித் ரசிகராக அதர்வா ஆடும் ‘குருதி ஆட்டம்’ 

DIN | Published: 21st January 2019 04:39 PM

 

சென்னை: இயக்குனர் ஸ்ரீகணேஷின் இரண்டாவது படமான குருதி ஆட்டத்தில் அஜித் ரசிகராக நடிகர் அதர்வா நடிக்கும் தகவல் வெளியாகியுள்ளது. 

விமர்சகர்கள் மற்றும் ரசிகர்களிடையே நல்ல வரவேற்பைப் பெற்ற ‘8 தோட்டாக்கள்’ படத்தின் மூலம் இயக்குநராக அறிமுகமானவர் ஸ்ரீகணேஷ். அவர் தற்போது ‘குருதி ஆட்டம்’ என்னும் படத்தினை இயக்கி வருகிறார்.  

அதர்வா ஹீரோவாக நடிக்கும் இந்தப் படம், மதுரையில் உள்ள கேங்ஸ்டர்களின் வாழ்க்கையினை அடிப்படையாகக் கொண்டு உருவாகி வருகிறது. இப்படத்தில் கபடி வீரராக அதர்வா நடிக்கிறார் என்று தகவல்கள் வெளியாகின. 

அதர்வாவுக்கு ஜோடியாக பிரியா பவானிசங்கர் நடிக்க, ராதாரவி, ராதிகா சரத்குமார் ஆகியோர் முக்கியக் கதாபாத்திரங்களில் நடிக்கின்றனர். இந்தப் படத்திற்கு யுவன் சங்கர் ராஜா இசையமைக்கிறார். 

இந்நிலையில் குருதி ஆட்டத்தில் அஜித் ரசிகராக நடிகர் அதர்வா நடிக்கும் தகவல் தற்போது வெளியாகியுள்ளது.  

நிஜத்திலும் அஜித் ரசிகரான அதர்வா சினிமா நிகழ்ச்சி ஒன்றில் அஜித்துடன் எடுத்துக்கொண்ட ஒரு புகைப்படமானது,  படத்தில் செட் பிராப்பர்ட்டியாக அதர்வா வீட்டில்இடம்பெற்றுள்ளது.  இதைப் பார்த்து அதர்வா மிகவும் ஆச்சரியப்பட்டார் என படக்குழு வட்டாரங்கள் தெரிவிக்கின்றன.

Tags : kollywood atharva sriganesh kuruthi aattam ajith fan kabaadi player

More from the section

ஹனிமூன் ட்வீட்டுக்காக நெட்டிசன்களிடம் வாங்கிக் கட்டிக் கொண்ட செளந்தர்யா!
அஜித் சந்தித்த பிரபலம் யார்? வைரலாகிய ஃபோட்டோ!
ஓவியா நடித்த '90 ml' படத்தின் ரிலீஸ் தேதி ஏன் தள்ளிப் போனது?
48 மணி நேரம் இடைவிடாமல் நடித்த நடிகர் விஷால்
ரஜினி, கமலை கலாய்த்தாரா பாடலாசிரியர் அருண் பாரதி?