வெள்ளிக்கிழமை 18 ஜனவரி 2019

பிரதமர் படத்தை அவமதித்த 3 பேர் கைது

DIN | Published: 12th September 2018 01:11 AM


மத்தியப் பிரதேச மாநிலம், மோவ் நகரில் பிரதமர் நரேந்திர மோடியின் படத்தின் மீது கருப்பு மையை பூசிய காங்கிரஸார் 3 பேர் கைது செய்யப்பட்டனர்.
பெட்ரோல், டீசல் விலை உயர்வைக் கண்டித்து, காங்கிரஸ் சார்பில் நாடு தழுவிய முழு அடைப்புப் போராட்டம் திங்கள்கிழமை நடைபெற்றது. 
இதையொட்டி, மத்தியப் பிரதேச மாநிலம், மோவ் நகரில் ஆர்ப்பாட்டத்தில் ஈடுபட்ட காங்கிரஸார், அங்குள்ள ஒரு பெட்ரோல் நிலையத்தில் வைக்கப்பட்டிருந்த பதாகையில் இடம்பெற்றிருந்த பிரதமர் மோடியின் படம் மீது கருப்பு மையை பூசினர்.
மேலும், பெட்ரோல் நிலையத்தை வலுக்கட்டாயமாக மூட முயன்றதாகவும், அங்குள்ள பொருள்களை சேதப்படுத்த முயன்றதாகவும் கூறப்படுகிறது. 
இதுகுறித்து, பெட்ரோல் நிலையத்தின் உரிமையாளர், காவல்துறையில் புகார் அளித்தார். 
அதனடிப்படையில் வழக்குப் பதிவு செய்த காவல்துறையினர், பப்பு கான், அங்கித் டோலி, சௌரப் போராஸி ஆகிய 3 பேரை கைது செய்தனர். மேலும், 2 பேரை தேடி வருகின்றனர்.
அவர்கள் மீது கலவரத்தில் ஈடுபடுதல், பொது அமைதிக்கு குந்தகம் விளைவித்தல் உள்ளிட்ட பிரிவுகளில் வழக்குப்பதிவு செய்யப்பட்டுள்ளதாக காவல்துறை கூடுதல் கண்காணிப்பாளர் நாகேந்திர சிங் தெரிவித்தார்.
 

More from the section

எப்போது மக்களவைத் தேர்தல்? மார்ச் முதல் வாரத்தில் அறிவிக்கிறதா தேர்தல் ஆணையம்? 
மம்தா பானர்ஜிக்கு ராகுல் அனுப்பியிருக்கும் ஒற்றுமைக்கான கடிதம் 
அமித் ஷாவுக்கு காய்ச்சல் பாதிப்பு குறித்து விமா்சனம்: காங்கிரஸ் மூத்த தலைவருக்கு பாஜக கண்டனம்
சபரிமலையில் தரிசனம் செய்த கனகதுர்கா, பிந்துவுக்கு பாதுகாப்பு: உச்ச நீதிமன்றம் உத்தரவு
உச்ச நீதிமன்ற புதிய நீதிபதிகளாக தினேஷ் மகேஷ்வரி, சஞ்சீவ் கன்னா பதவியேற்பு