வெள்ளிக்கிழமை 18 ஜனவரி 2019

திருப்பதி பிரம்மோற்சவத்தை முன்னிட்டு இன்று முதல் சிறப்பு ரயில்கள் இயக்கம்

DIN | Published: 11th September 2018 12:38 PM

 

திருப்பதி பிரம்மோற்சவ விழாவுக்காக, அரக்கோணம் - ரேணிகுண்டா, சென்னை - அரக்கோணம் இடையே செப்டம்பர் 11(இன்று) முதல் செப்டம்பர் 20-ம் தேதி வரை 10 நாள்களுக்கு பயணிகள் சிறப்பு ரயில்கள் இயக்கப்படுகின்றன.

அரக்கோணம் -ரேணிகுண்டா:

இன்று முதல் அரக்கோணத்தில் இருந்து செப்டம்பர் 20-ம் தேதி வரை தினமும் பிற்பகல் 3 மணிக்கு பயணிகள் சிறப்பு ரயில் புறப்பட்டு மாலை 4.30 மணிக்கு ரேணிகுண்டாவை அடையும். இந்த ரயில் திருத்தணி, ஏகாம்பரகுப்பம், புத்தூர் ஆகிய நிலையங்களில் நின்று செல்லும்.

ரேணிகுண்டா -சென்னை:

ரேணிகுண்டாவில் இருந்து செப்டம்பர் 20-ம் தேதி வரை தினமும் மாலை 5.10 மணிக்கு பயணிகள் சிறப்பு ரயில் புறப்பட்டு இரவு 9 மணிக்கு சென்னை கடற்கரையை வந்தடையும். இந்த ரயில் புத்தூர், ஏகாம்பரகுப்பம், திருத்தணி, அரக்கோணம், திருவள்ளூர், பெரம்பூர் ஆகிய நிலையங்களில் நின்று செல்லும்.

சென்னை-அரக்கோணம்:

சென்னை கடற்கரையில் இருந்து இன்று முதல் செப்டம்பர் 20-ம் தேதி வரை தினமும் இரவு 9.40 மணிக்கு பயணிகள் சிறப்பு ரயில் புறப்பட்டு இரவு 11 மணிக்கு அரக்கோணத்தை அடையும் என தெற்கு ரயில்வே செய்திக்குறிப்பில் தெரிவிக்கப்பட்டுள்ளது.

More from the section

பழனி பாதயாத்திரை பக்தர்களுக்கு அன்னதானம் வழங்கும் விழா
தாயைப் போற்றுவோம்!
பொன்மொழிகள்!
விருத்திக்கு வித்திடும் விருந்து
"எந்தரோ மகானுபாவுலு..!'