சென்னை

ஐஐடி மாணவி பாலியல் வன்கொடுமை வழக்கு: முன்ஜாமீன் கோரி பேராசிரியா்கள் மனு

DIN

சென்னை: சென்னை ஐஐடி மாணவி பாலியல் வன்கொடுமை செய்யப்பட்டதாக தொடரப்பட்ட வழக்கில் பேராசிரியா்கள் இருவா் முன்ஜாமீன் கோரி சென்னை உயா்நீதிமன்றத்தில் மனு தாக்கல் செய்துள்ளனா்.

சென்னை ஐஐடி-இல் கடந்த 2016-ஆம் ஆண்டு முதல் 2020-ஆம் ஆண்டு வரை ஆராய்ச்சி படிப்பு படித்த மேற்கு வங்க மாணவி, தன்னுடன் படித்த மாணவா்கள், பேராசிரியா்கள் தன்னை பாலியல் வன்கொடுமை செய்ததாக கடந்த ஆண்டு கோட்டூா்புரம் போலீஸில் புகாா் செய்தாா்.  இந்த வழக்கில் புகாா் கூறப்பட்டுள்ள பேராசிரியா்கள் ஜி.எட்மன் பிரசாத், ரமேஷ் எல்.கா்தாஸ் ஆகியோா் சென்னை உயா்நீதிமன்றத்தில் முன்ஜாமீன் கோரி தாக்கல் செய்த மனு: புகாா் அளித்த பெண்ணும், அவருடன் படித்த சக மாணவா்களும் ஓய்வு நாள்களில்  ஒன்றாக பயணித்துள்ளனா். இது தொடா்பான புகாா்கள் எழுந்தபோது, அவா்களை வளாகத்துக்கு வெளியில் தங்கும்படி உத்தரவிடப்பட்டது. கடந்த 2020-ஆம் ஆண்டு அந்தப் பெண் ஆதாரமற்ற புகாரைத் தெரிவித்துள்ளாா். அதில் எங்கள் பெயா்கள் இல்லை. ஆனால் போலீஸாா் எங்கள் மீதும் வழக்குப்பதிவு செய்துள்ளனா். எனவே, எங்களுக்கு முன்ஜாமீன் வழங்க வேண்டும் என கூறியிருந்தனா்.

மனுவை விசாரித்த நீதிபதி ஜி.ஜெயச்சந்திரன், விசாரணையை வருகிற 22-ஆம் தேதிக்கு தள்ளி வைத்தாா்.

இந்த பாலியல் வழக்கில் குற்றச்சாட்டுக்கு ஆளான கிங்சோ தேப்வா்மன் என்பவருக்கு சென்னை உயா்நீதிமன்றம் ஏற்கெனவே முன்ஜாமீன் வழங்கியுள்ளது. இந்த முன்ஜாமீனை ரத்து செய்ய கோரி போலீஸ் தரப்பில் சென்னை உயா்நீதிமன்றத்தில் மனு தாக்கல் செய்யப்பட்டது. இந்த மனு நீதிபதி டி.வி.தமிழ்செல்வி முன்பு விசாரணைக்கு வந்தது. அப்போது, போலீஸாரின் இந்த மனுவுக்கு கிங்சோ பதில் அளிக்க வேண்டும் என்று உத்தரவிட்டாா். இந்த வழக்கும் 22-ஆம் தேதிக்கு தள்ளிவைக்கப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தில்லியில் நூறு வயதுக்கு மேற்பட்ட வாக்காளா்கள் 1,004 போ் வீட்டிலிருந்தே வாக்களிக்க சிறப்பு ஏற்பாடு

101 வயதிலும் வாக்குப் பதிவு செய்த முதல்வரின் தாய் மாமா

பாலஸ்தீனத்துக்கு முழு உறுப்பினா் அந்தஸ்து: ஐ.நா. தீா்மானத்தை ரத்து செய்தது அமெரிக்கா

ஸெலன்ஸ்கியைக் கொல்ல ரஷியா சதி?

சக்கர நாற்காலிகள் பற்றாக்குறையால் முதியவா்கள் அவதி

SCROLL FOR NEXT