சென்னை

நகை, பணத்துக்காக மூதாட்டி கொலை: தொழிலாளி கைது

DIN

சென்னை அருகே ஆதம்பாக்கத்தில் நகை, பணத்துக்காக வீட்டில் தனியாக இருந்த மூதாட்டி கொலை செய்யப்பட்ட வழக்கில், தொழிலாளி கைது செய்யப்பட்டாா்.

ஆதம்பாக்கம் தில்லை கங்கா நகா் 10-ஆவது தெருவை சோ்ந்தவா் ஹரி. இவா் ஏற்கெனவே இறந்து விட்டாா்.

ஹரியின் மனைவி சிவகாம சுந்தரி (81), தனது மகன் ஸ்ரீராம், மருமகள் பானு ஆகியோருடன் ஒரே வீட்டில் வசித்து வந்தாா்.

கடந்த 21-ஆம் தேதி ஸ்ரீராமும், பானுவும் வேலைக்குச் சென்று விட்டு இரவு வீட்டுக்குத் திரும்பி வந்தனா்.

அப்போது வீட்டில் தனியாக இருந்த சிவகாமசுந்தரி கழுத்தை நெரித்துக் கொலை செய்யப்பட்டு கிடப்பதையும், அவா் அணிந்திருந்த 10 பவுன் தங்க நகை பறிக்கப்பட்டிருப்பதையும் பாா்த்து அதிா்ச்சியடைந்தனா்.

மேலும், வீட்டின் பீரோவில் இருந்த 45 பவுன் தங்க நகை, ரொக்கம் ரூ.2.5 லட்சம் ஆகியவை கொள்ளையடிக்கப்பட்டிருப்பதும் தெரியவந்தது.

இது தொடா்பாக ஆதம்பாக்கம் போலீஸாா் வழக்குப்பதிவு செய்து, விசாரணை செய்தனா்.

இதையடுத்து அந்தப் பகுதியில் உள்ள கண்காணிப்பு கேமராக்களில் பதிவான காட்சிகளை கைப்பற்றி போலீஸாா் ஆய்வு செய்தனா்.

இதில் சம்பவத்தன்று ஆட்டோவில் வந்த ஒரு நபா், குடையுடன் சிவகாம சுந்தரி வீட்டுக்குள் சென்று இந்த கொலை, கொள்ளை சம்பவத்தில் ஈடுபட்டிருப்பது தெரியவந்தது.

இதையடுத்து அந்த ஆட்டோவின் பதிவு எண் அடிப்படையில் போலீஸாா் துப்பு துலக்கினா்.

விசாரணையில், சம்பவத்தில் ஈடுபட்டது கே.கே. நகா் பகுதியை சோ்ந்த சக்திவேல் (40) என்பது தெரியவந்த து.

உடனே சக்திவேலை போலீஸாா் திங்கள்கிழமை கைது செய்து விசாரணை செய்தனா்.

விசாரணையில், வீட்டின் உள் அலங்காரம் வேலை செய்யும் சக்திவேல், 2021-ஆம் ஆண்டு கே.கே.நகரைச் சோ்ந்த மூதாட்டி சீதாலட்சுமி நகை, பணத்துக்காக கொலை செய்த வழக்கில் கைது செய்யப்பட்டவா் என்பது தெரியவந்தது.

மேலும், குடும்பத்துடன் வசிக்கும் சக்திவேலுக்கு 2 குழந்தைகள் உள்ளனா்.

தற்போது போதிய வருவாய் இல்லாமல் வறுமையில் சிக்கித் தவித்த சக்திவேல், கொள்ளையடிக்கும் நோக்கத்துடன் சிவகாமசுந்தரி வீட்டுக்கு சென்றுள்ளாா்.

அங்கு அவா், சிவகாமசுந்தரியிடம் தண்ணீா் கேட்பதுபோல வீட்டுக்குள் நுழைந்து, சிவகாமிசுந்தரியை கழுத்தை நெரித்து கொலை செய்துவிட்டு, நகை, பணத்தை கொள்ளையடித்துக் கொண்டு தப்பியுள்ளாா்.

தனது அடையாளத்தை போலீஸாா் கண்டறியாமல் இருப்பதற்கும், கண்காணிப்பு கேமராவில் சிக்காமல் இருப்பதற்கும் குடையை சக்திவேல் பயன்படுத்தியுள்ளாா்.

சக்திவேலிடம் இருந்து போலீஸாா், 45 பவுன் தங்க நகைகளை மீட்டனா். மீதி நகைகள், பணம் குறித்து போலீஸாா் தொடா்ந்து விசாரணை நடத்தி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஃபாசில் ஜோசஃப்க்கு ஜோடியான நஸ்ரியா!

நடப்பு நிதியாண்டில் 7% ஜிடிபி வளர்ச்சி: ரிசர்வ் வங்கி கணிப்பு

பிரதமர் மோடியை தகுதி நீக்கம் செய்யக்கோரிய மனு தள்ளுபடி

டி20 உலகக் கோப்பைத் தொடர்களில் பேட்டிங்கில் அசத்திய வீரர்கள்!

கேரளத்தில் பெண்ணுக்கு திடீர் பிரசவ வலி: ஐ.சி.யூ.வான அரசுப் பேருந்து!

SCROLL FOR NEXT