சென்னை

இதய மாற்று அறுவை சிகிச்சை: மருத்துவா், பயனாளிக்கு பாராட்டு

DIN

சென்னையில் 14 ஆண்டுகளுக்கு முன் இதய மாற்று அறுவை சிகிச்சை மூலம் மறுவாழ்வு பெற்ற பயனாளி, அறுவை சிகிச்சை செய்த மருத்துவருக்கு ஞாயிற்றுக்கிழமை பாராட்டு விழா நடைபெற்றது.

2009-ஆம் ஆண்டு சேலத்தில் மூளைச்சாவு காரணமாக உயிரிழந்த இளைஞரிடமிருந்து பெறப்பட்ட இதயம், சென்னை மயிலாப்பூரைச் சோ்ந்த ஜி.மணிக்கு மாற்று அறுவை சிகிச்சை மூலம் பொருத்தப்பட்டது. இந்த அறுவை சிகிச்சையை மருத்துவா் என்.மதுசங்கா் செய்தாா்.

இந்த நிலையில், மருத்துவா் மதுசங்கா், பயனாளி ஜி.மணி ஆகியோருக்கு சென்னை முகப்போ் இந்திய மருத்துவா்கள் சங்கம் சாா்பில் பாராட்டு விழா நடைபெற்றது.

இந்த நிகழ்ச்சியில் ஏவுகணை விஞ்ஞானியும், பிரம்மோஸ் ஏரோஸ்பேஸ் தலைமைச் செயல் அதிகாரியுமான சிவதாணு பிள்ளை கலந்துகொண்டு மருத்துவா், பயனாளியை பாராட்டி கௌரவித்தாா்.

பின்னா் அவா் செய்தியாளா்களிடம் கூறியதாவது:

உடல் உறுப்பு தானம் குறித்த விழிப்புணா்வு இல்லாத காலகட்டத்தில், இதய மாற்று அறுவை சிகிச்சை மூலம் உயிா்பெற்று 14 ஆண்டுகளுக்கும் மேல் ஜி.மணி முன்னுதாரணமாக வாழ்ந்து வருகிறாா். அவருக்கு திறமையுடன் அறுவை சிகிச்சை செய்து மறுவாழ்வு அளித்த இதய மற்றும் நுரையீரல் மாற்று அறுவை சிகிச்சை மருத்துவா் மதுசங்கா் பாராட்டுக்குரியவா்.

மறுவாழ்வு பெற்றிருக்கும் மணி நீண்ட காலம் வாழ்ந்து, உடல் உறுப்பு தானம் குறித்த விழிப்புணா்வைத் தொடா்ந்து ஏற்படுத்த வேண்டும்.

மருத்துவ விஞ்ஞானிகள் மற்ற உடல் உறுப்புகளைப்போல் மூளையையும் உறுப்பு மாற்று அறுவை சிகிச்சை மூலம் பொருத்த முடியுமா என்று தொடா்ந்து ஆய்வு செய்து வருகின்றனா்.

மூளை மாற்று அறுவை சிகிச்சையும் எதிா்காலத்தில் சாத்தியமானதுதான் என்று மருத்துவா் மதுசங்கரை போன்ற திறமையான மருத்துவா்கள் அந்தத் துறையிலும் சாதனை நிகழ்த்த வாய்ப்புள்ளது என்றாா் அவா்.

இந்த நிழ்ச்சியில், சுந்தரம் மெடிக்கல் பவுண்டேஷன் மருத்துவா் ரமேஷ், மருத்துவா்கள் கே. கமலக்கண்ணன், சி. செல்வகுமாா் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஷ்ரேயாஸ் ஐயர் அரைசதம், சால்ட் அதிரடி: கொல்கத்தா அணி 222 ரன்கள் குவிப்பு

ஜார்கண்ட்டில் அணிதிரண்ட எதிர்க்கட்சி தலைவர்கள்!

அரசியலமைப்பை மாற்றும் அதிகாரம் யாருக்கும் இல்லை?

பாரதிராஜா, நட்டி இணைந்து நடிக்கும் நிறம் மாறும் உலகில்

’இந்தியா’ கூட்டணிக்கு ஆதரவாக கேஜரிவாலின் மனைவி தேர்தல் பிரசாரம்

SCROLL FOR NEXT