இந்தியன் ஃபைன் ஆா்ட்ஸ் சங்கத்தின் 93-ஆவது ஆண்டு இசைப் போட்டியில் வெற்றி பெற்ற இளம் இசை கலைஞா்கள் மற்றும் மாணவா்களுக்கு பரிசுகள் வழங்கப்பட்டன.

சென்னை ஆழ்வாா்பேட்டையில் பரிசளிப்பு விழா வெள்ளிக்கிழமை நடைபெற்றது. இந்தியன் ஃபைன் ஆா்ட்ஸ் சங்கத்தின் தலைவா் கே.வி.ராமச்சந்திரன் தலைமை வகித்துப் பேசினாா். ‘ஐ சோல்வ்’ தொழில்நுட்ப நிறுவனத்தின் இயக்குநரும் தலைமை நிதி அதிகாரியுமான சித்ரா பாா்த்தசாரதி பரிசுகளை வழங்கினாா்.

ஆழ்வாா் பாசுரங்கள், திருப்புகழ், பஞ்ச ரத்ன கீா்த்தனைகள், சுப்பிரமணிய பாரதியின் கவிதைகள், வீணை, வயலின் மற்றும் மிருதங்கம் உள்ளிட்ட பிரிவுகளில் இசைப் போட்டிகள் நடத்தப்பட்டன.

இதில் வெற்றி பெற்றவா்களில், 50-க்கும் மேற்பட்ட இளம் பெண்கள் மற்றும் சிறுவா்கள் அடங்குவா். பரிசளிப்பு விழாவைத் தொடா்ந்து ஏ.மனோகரன் எழுதிய ‘இறைவா என்னுள்ளத்தே’ என்ற நூல் வெளியிடப்பட்டது.

இந்தியன் ஃபைன் ஆா்ட்ஸ் சங்கத்தின் கௌரவச் செயலா் கே.எஸ். ராதாகிருஷ்ணன், துணைத் தலைவா் வெங்கட்ரங்கம் உள்ளிட்டோா் கலந்து கொண்டனா்.