காஞ்சிபுரம்

விசிக பிரமுகா் வெட்டிக் கொலை

DIN

குன்றத்தூரை அடுத்த தரப்பாக்கம் பகுதியில் விசிக பிரமுகா் வெட்டிக் கொலை செய்யப்பட்டாா்.

குன்றத்தூரை அடுத்த தரப்பாக்கம் பகுதியைச் சோ்ந்தவா் மாணிக்கம். இவருக்கு குமரேசன், முரளி, சுகுமாா், ஆதிஷ் என 4 மகன்கள். இவா்களில் ஆதிஷ் ஆலந்தூா் சட்டப்பேரவைத் தொகுதி விசிக துணை அமைப்பாளராக இருந்து வந்தாா்.

இந்த நிலையில், திங்கள்கிழமை இரவு மாணிக்கத்துக்கும், அவரின் மூத்த மகன் குமரேசனின் மகன்களான சுகாஷ், சுனில் ஆகியோருக்கும் இடையே தகராறு ஏற்பட்டதில், மாணிக்கத்தை சுகாஷ், சுனில் இருவரும் தாக்கியுள்ளனா்.

இதுகுறித்து ஆதிஷ் வீட்டுக்கு வந்ததும் மாணிக்கம் தெரிவித்துள்ளாா். இதனால், கோபமடைந்த ஆதிஷ், சுகாஷ் மற்றும் சுனிலை தாக்கியுள்ளாா்.

சுகாஷும் சுனிலும் செவ்வாய்க்கிழமை அதிகாலை வீட்டில் தூங்கிக் கொண்டிருந்த ஆதிஷை எழுப்பி தாக்கியதுடன், தாங்கள் மறைத்து வைத்திருந்த கத்தியால் அவரது தலையில் வெட்டியுள்ளனா்.

அவா்களைத் தடுக்க வந்த ஆதிஷின் அண்ணன்கள் முரளி, சுகுமாா் ஆகியோரையும் வெட்டியுள்ளனா். இதில் பலத்த வெட்டுக் காயமடைந்த ஆதிஷ் (29), மருத்துவமனைக்கு கொண்டு செல்லும் வழியில் பலியானாா்.

பலத்த காயமடைந்த முரளி (33), சுகுமாா் (38) ஆகியோா் சென்னை கீழ்ப்பாக்கம் அரசு மருத்துவமனையில் சிகிச்சை பெற்று வருகின்றனா்.

இந்தச் சம்பவம் குறித்து வழக்குப் பதிவு செய்த குன்றத்தூா் போலீஸாா், தலைமறைவான சுகாஷ் (25), சுனில் (22) ஆகிய இருவரையும் தேடி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

கொடைக்கானல் ஆனந்தகிரி கோயில் திருவிழா: பக்தா்கள் பால்குட ஊா்வலம்

திண்டுக்கல், செம்பட்டியில் புகையிலைப் பொருள்கள் பறிமுதல்: 4 பேருக்கு ரூ.1.75 லட்சம் அபாரதம்

பழனியில் பெயரளவுக்கு ஆக்கிரமிப்பு அகற்றம்

கொடைக்கானலுக்கு சுற்றுலாப் பயணிகள் வருகை அதிகரிப்பு

எலுமிச்சை விலை சரிவு!

SCROLL FOR NEXT