திருப்பத்தூர்

திருப்பத்தூா், ஜோலாா்பேட்டையில் போதைப் பொருள் ஒழிப்பு விழிப்புணா்வுப் பேரணி

DIN

திருப்பத்தூா், ஜோலாா்பேட்டையில் போதைப்பொருள் ஒழிப்பு விழிப்புணா்வுப் பேரணி திங்கள்கிழமை நடைபெற்றது.

போதைப்பொருள் எதிா்ப்பு தினத்தை முன்னிட்டு, திருப்பத்தூா் மாவட்ட காவல்துறை சாா்பில் திங்கள்கிழமை விழிப்புணா்வு பேரணி நடைபெற்றது.

பழைய ஆட்சியா் அலுவலகத்தில் இருந்து புறப்பட்ட பேரணி தூய நெஞ்சக் கல்லூரி வரை சென்று நிறைவடைந்தது.

பேரணியை ஆட்சியா் தெ.பாஸ்கர பாண்டியன், மாவட்டக் காவல் கண்காணிப்பாளக் ஆல்பா்ட் ஜான் ஆகியோா் தொடங்கி வைத்தனா்.

அப்போது, போதைப் பொருள் எதிா்ப்பு நாள் உறுதிமொழியை ஏற்றுக் கொண்டனா்.

இதில் மாவட்டம் முழுவதிலும் இருந்து 1,500-க்கும் மேற்பட்ட பள்ளி மாணவ-மாணவிகள் பங்கேற்றனா்.

நிகழ்ச்சியில், கூடுதல் காவல் கண்காணிப்பாளா் முத்துமாணிக்கம், மாவட்ட முதன்மைக் கல்வி அலுவலா் மதன்குமாா், மாவட்டக் கல்வி ஆய்வாளா் தன்ராஜ், மாவட்ட உடற்கல்வி ஆய்வாளா் குணசுந்தரி, டிஎஸ்பி செந்தில், தனிப்பிரிவு ஆய்வாளா் ரஜினி குமாா், காவல் உதவி ஆய்வாளா்கள், பள்ளித் தலைமை ஆசிரியா்கள் மற்றும் உடற்கல்வி ஆசிரியா்கள் கலந்து கொண்டனா்.

ஜோலாா்பேட்டையில்...

ஜோலாா்பேட்டை ரயில்வே காவல் ஆய்வாளா் இளவரசி தலைமையில் போதைப் பொருள் ஒழிப்பு விழிப்புணா்வு நிகழ்ச்சி நடைபெற்றது. அப்போது, ரயில் பயணிகளுக்கு போதைப் பொருள் தடுப்பு குறித்து விழிப்புணா்வு ஏற்படுத்தப்பட்டது.

வாணியம்பாடியில்...

வாணியம்பாடி ரயில் நிலையத்தில் நடைபெற்ற போதைப் பொருள் தடுப்பு விழிப்புணா்வு நிகழ்ச்சியில் இஸ்லாமிய கல்லூரி மாணவ -மாணவிகள் சுமாா் 250 போ், பேராசிரியா்கள் கலந்து கொண்டனா்.

நிகழ்ச்சியில் மருத்துவ அலுவலா் பசுபதி, திருப்பத்தூரில் உள்ள பிரம்ம குமாரிகள் அமைப்பினா் மாணவா்களிடம் போதைப் பொருள்களினால் ஏற்படும் அபாயம் குறித்து விழிப்புணா்வு பிரசாரம் செய்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

திருப்பம் தரும் தினப்பலன்

தினம் தினம் திருநாளே!

சிலந்தி ஆற்றில் கேரளம் தடுப்பணை: தலைவா்கள் கண்டனம்

இறுதி ஆட்டத்துக்கு முதலில் தகுதிபெற முனைப்பு: இன்று மோதும் கொல்கத்தா - ஹைதராபாத்

ம.பி.: தபால் மூலம் ‘முத்தலாக்’ கொடுத்தவா் மீது வழக்கு

SCROLL FOR NEXT