வெங்கடசமுத்திரம் ஊராட்சி நிா்வாகத்தைக் கண்டித்து பொதுமக்கள் சனிக்கிழமை ஆா்ப்பாட்டத்தில் ஈடுபட்டனா்.

மாதனூா் ஒன்றியம், வெங்கடசமுத்திரம் ஊராட்சியில் அடிப்படை வசதிகள் ஏதும் செய்து தரவில்லை, ஊராட்சி நிா்வாகத்தில் முறைகேடு ஆகியவற்றைக் கண்டித்தும், உரிய நடவடிக்கை எடுக்க வலியுறுத்தியும் பொதுமக்கள் ஆா்ப்பாட்டத்தில் ஈடுபட்டனா்.

ஆா்ப்பாட்டத்தில் ஈடுபட்ட பொதுமக்களுடன் உமா்ஆபாத் போலீஸாா் பேச்சு நடத்தினா் அதிகாரிகளிடம் பேசி உரிய நடவடிக்கை எடுப்பதாக உறுதி அளிக்கப்பட்டதின் பேரில் பொதுமக்கள் கலைந்து சென்றனா்.