மாதவரம் தெலுங்கு காலனி மயானபூமியில் பராமரிப்புப் பணிகள் நடைபெறவுள்ளதால் தாற்காலிகமாக மூடப்படுவதாக சென்னை மாநகராட்சி தெரிவித்துள்ளது.
இதுகுறித்து வியாழக்கிழமை வெளியிடப்பட்ட செய்திக் குறிப்பு: மாதவரம் மண்டலத்தில் 27-ஆவது கோட்டத்தில் மாதவரம் தெலுங்கு காலனியில் உள்ள பெருநகர சென்னை மாநகராட்சி நவீன எரியூட்டு மயானம் பராமரிப்புப் பணிகளுக்காக வரும் ஜூன் 19 முதல் ஜூன் 28-ஆம் தேதி வரை 10 நாட்கள் தாற்காலிகமாக மூடப்பட உள்ளது.
இந்நாட்களில் அருகே உள்ள சீதாராம் நகர், கொடுங்கையூர் மயான பூமியை பொதுமக்கள் பயன்படுத்திக் கொள்ளுமாறு கேட்டுக்கொள்ளப்படுகிறது.