திருவள்ளூர்

ஊழல் ஒழிப்பு விழிப்புணா்வுப் பேரணி

DIN

திருவள்ளூா் மாவட்ட ஊழல் தடுப்பு மற்றும் கண்காணிப்பு வாரத்தை முன்னிட்டு பள்ளி மாணவ, மாணவிகள், சாரண, சாரணியா் சாா்பில் வெள்ளிக்கிழமை நடைபெற்ற விழிப்புணா்வுப் பேரணியை ஆட்சியா் மகேஸ்வரி ரவிகுமாா் தொடக்கி வைத்தாா்.

நாட்டின் பொருளாதாரம், அரசியல், சமூக முன்னேற்றத்திற்கு ஊழல் முக்கியத் தடையாக உள்ளதால், இதை அரசு குடிமக்கள் மற்றும் தனியாா் நிறுவனங்கள் ஆகியவை ஒருங்கிணைந்து செயல்பட வலியுறுத்தி திருவள்ளூா் மாவட்ட ஊழல் ஒழிப்பு வாரம் அக். 28 முதல் நவ. 2-ஆம் தேதி வரையில் அனுசரிக்கப்பட்டு வருகிறது.

அதன் அடிப்படையில் திருவள்ளூா் மாவட்ட ஆட்சியா் அலுவலக வளாகத்தில் 100-க்கும் மேற்பட்ட பள்ளி மாணவ, மாணவிகள் மற்றும் சாரண, சாரணியா் இயக்க மாணவ, மாணவிகள் பங்கேற்ற விழிப்புணா்வுப் பேரணியை ஆட்சியா் மகேஸ்வரி ரவிகுமாா் கொடியசைத்து தொடக்கி வைத்தாா். ஊழல் தடுப்பு விழிப்புணா்வு தொடா்பான பதாகைகளை கைகளில் ஏந்தியவாறு ஜே.என் சாலை உள்ளிட்ட முக்கிய வீதிகள் வழியாகச் சென்று காமராஜா் சிலை அருகே பேரணி நிறைவடைந்தது. முன்னதாக லஞ்சம் வாங்கவும் மாட்டோம், கொடுக்கவும் மாட்டோம் என உறுதிமொழியும் எடுத்துக் கொண்டனா்.

இதையொட்டி ஏற்கெனவே நீதிநெறி தொடா்பாக மாவட்ட அளவில் பேச்சு, கட்டுரை, ஓவியம் உள்ளிட்ட போட்டிகள் நடத்தப்பட்டது. அப்போட்டியில் வெற்றி பெற்ற அரசு மற்றும் தனியாா் பள்ளிகளைச் சோ்ந்த மாணவ, மாணவிகளுக்கு நினைவு பரிசுகளையும் ஆட்சியா் வழங்கினாா்.

இந்த நிகழ்ச்சியில் மாவட்ட முதன்மைக் கல்வி அலுவலா் ஆா்.திருவளா்ச்செல்வி, ஊழல் தடுப்பு மற்றும் கண்காணிப்புப் பிரிவு துணை காவல் கண்காணிப்பாளா் சிவபாத சேகரன், காவல் ஆய்வாளா்கள் மகேஸ்வரி, வி.கணேசன், காவல் சாா் ஆய்வாளா் சக்திவேல் மற்றும் சாரண, சாரணியா் இயக்க மாவட்டச் செயலா் சாம்சங்க இளங்கோவன், உதவிச் செயலா் பாண்டியன் உள்ளிட்டோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பாட்டக்கரை ஆலயத்தில் அசன விழா

பூந்தமல்லி அருகே ஹிந்து அமைப்புத் தலைவர் வெட்டிக் கொலை!

காங்கிரஸ் - பாஜக: திட்டங்களை ஒப்பிட்டு மோடி பிரசாரம்!

புணே சிறுவனுக்கு வழங்கப்பட்ட ஜாமீன் ரத்து!

'மஞ்ஞுமல் பாய்ஸ்' படத் தயாரிப்பு நிறுவனத்துக்கு இளையராஜா நோட்டீஸ்!

SCROLL FOR NEXT