திருவள்ளூர்

38 இடங்களில் நேரடி நெல் கொள்முதல் நிலையங்கள்

DIN

திருவள்ளூா் மாவட்டத்தில் 38 இடங்களில் நேரடி நெல் கொள்முதல் நிலையங்கள் திறக்க அரசு உத்தரவிட்டுள்ளதாக ஆட்சியா் ஆல்பி ஜான் வா்கீஸ் தெரிவித்துள்ளாா்.

இந்த மாவட்டத்தில் சம்பா பருவத்தில் 51,687.664 ஹெக்டா் பரப்பளவில் நெல் சாகுபடி செய்யப்பட்டுள்ளது. நெற்பயிா் அறுவடை தொடங்கிய நிலையில், நேரடி நெல் கொள்முதலுக்கு 85,000 மெட்ரிக் டன் நெல் வரத்து எதிா்பாா்க்கப்படுகிறது. தற்போது பயன்பாட்டில் உள்ள அரசுக் கிடங்குகள், அரசு கட்டடங்களைப் பயன்படுத்தி முதல்கட்டமாக அம்பத்தூா், கடம்பத்தூா், பூண்டி, திருவாலங்காடு, திருத்தணி, ஆா்.கே.பேட்டை, பள்ளிப்பட்டு, எல்லாபுரம் ஆகிய 8 வட்டாரங்களில் 38 இடங்களில் தேவைக்கேற்ப நேரடி நெல் கொள்முதல் நிலையங்களை உடனே திறந்து நெல் கொள்முதல் செய்ய தமிழக நுகா்பொருள் வாணிபக் கழகத்துக்கு அரசு உத்தரவிட்டுள்ளது.

எனவே விவசாயிகள் அந்தந்த பகுதி நேரடி நெல் கொள்முதல் நிலைய இணையதளத்தில் பதிவு செய்து, குவிண்டால் ஒன்றுக்கு சன்ன ரக நெல் ரூ. 2,160-க்கும், மோட்டரக நெல் ரூ. 2,115-க்கும் விற்பனை செய்து பயன்பெறலாம். மேலும், இடைத்தரகா்கள் மற்றும் வெளிவியாபாரிகள் தலையீட்டால் மாவட்ட நிா்வாகம் மூலம் கடும் நடவடிக்கை எடுக்க உள்ளதால், எவ்வித புகாா்களுக்கும் இடமளிக்காமல் விவசாயிகள் நெல் விற்பனை செய்யலாம் என அவா் தெரிவித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

கீர்த்தி சுரேஷுக்குத் திருமணம்?

அதிகரித்த சர்க்கரை அளவு: கேஜரிவாலுக்கு இன்சுலின் செலுத்தப்பட்டது!

உடல்கூறாய்வு அறிக்கை: 14 முறை குத்தப்பட்டு 58 வினாடிகளில் பலியான மாணவி நேஹா

தண்டனையை நிறுத்திவைக்கக் கோரிய ராஜேஷ் தாஸ் மனு தள்ளுபடி

திருமண மகிழ்ச்சியில் அபர்ணா தாஸ்!

SCROLL FOR NEXT