திருவள்ளூர்

ஆவடி அருகே 25 ஏக்கா் பரப்பளவில் பசு மடம்

DIN

ஆவடி அருகே கோயில்பதாகையில் 25 ஏக்கா் பரப்பளவில் பசு மடம் அமையவுள்ள இடத்தை அமைச்சா்கள் பி.கே.சேகா்பாபு, சா.மு.நாசா் ஆகியோா் ஆய்வு செய்தனா்.

சென்னை மற்றும் திருவள்ளூா் மாவட்டங்களில் அமைந்துள்ள கோயில்களில் உபரியாக உள்ள பசுக்களையும், தெருக்களில் சுற்றித் திரியும் கால்நடைகளையும் பாதுகாத்து பராமரிக்கும் வகையில், 25 ஏக்கா் பரப்பளவில் நவீன வசதியுடன் கூடிய பசுமடம் அமைக்கப்படும் என்று சட்டப்பேரவை கூட்டத் தொடரில் இந்து சமய அறநிலையத் துறை அமைச்சா் பி.கே.சேகா்பாபு அறிவித்திருந்தாா்.

அதன்படி, புதன்கிழமை ஆவடி மாநகராட்சிக்குட்பட்ட கோயில்பதாகை சுந்தரராஜ பெருமாள் கோயிலுக்குச் சொந்தமான பூம்பொழில் நகரில் 25 ஏக்கா் பரப்பளவு நிலத்தில், சுமாா் ரூ.20 கோடி செலவில் கால்நடைகளைப் பராமரிக்க நவீன வசதிகளும் கூடிய பசு மடம் அமைப்பதற்கான அந்த இடத்தை அமைச்சா்கள் பி.கே.சேகா்பாபு, சா.மு.நாசா் ஆகியோா் ஆய்வு செய்தனா்.

பின்னா், அமைச்சா் பி.கே.சேகா்பாபு கூறியதாவது:

முதல்வா் வழிகாட்டுதல்படி 2022-2023 மானியக் கோரிக்கையின் போது அறிவிக்கப்பட்ட 165 அறிவிப்புகள் ஒவ்வொன்றாகச் செயல்படுத்தப்படும். முதல் கட்டமாக கோயில்களுக்கு தானமாக வழங்கப்படும் கால்நடைகளைப் பராமரிக்க நவீன வசதியுடன் கூடிய பசு மடம் அமைக்க கோயில்பதாகை சுந்தரராஜ பெருமாள் கோயிலுக்குச் சொந்தமான இடத்தைப் பாா்வையிட்டு ஆய்வு செய்தோம். விரைவில் பசு மடம் கட்ட மதிப்பீடு தயாா் செய்து, ஒப்பந்தப்புள்ளி கோரப்பட்டு, பணிகள் தொடங்கப்படும்.

திருமுல்லைவாயல் பச்சையம்மன் கோயில் எதிரே உள்ள தாமரைக்குளம் நகராட்சி நிா்வாகத்தால் தூா்வாரப்பட்டு வருகிறது. பணிகள் முடிந்தவுடன் இந்து சமய அறநிலையத் துறை தாமரைக்குளத்தைப் பராமரிக்கும் பணியை மேற்கொள்ளும்.

முக்கிய கோயில்களில் அன்னதானம், பிரசாதம் வழங்கும் திட்டம் நல்ல வரவேற்பைப் பெற்றுள்ளது. முதல்வா் உத்தரவின்படி, 200-க்கும் மேற்பட்ட கோயில்களில் ஆய்வு மேற்கொள்ளப்பட்டு பக்தா்களுக்கு தேவையான வசதிகள், யானைகள், பசுக்களைப் பராமரிக்க அலுவலா்களுக்கு அறிவுரை வழங்கப்பட்டது என்றாா்.

ஆய்வின் போது, ஆவடி மாநகராட்சி மேயா் ஜி.உதயகுமாா், இந்து சமய அறநிலையத் துறை ஆணையா் ஜெ.குமரகுருபரன், இணை ஆணையா் தனபால், செயல் அலுவலா் சீதாராமன், செயற்பொறியாளா் தேவேந்திரன், ஆவடி மாநகராட்சி ஆணையா் சரஸ்வதி, மண்டல குழுத் தலைவா் ஜி.ராஜேந்திரன், பொறியாளா் மனோகரன், உதவி பொறியாளா் சத்தியசீலன் உள்ளிட்டோா் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

புதுச்சேரியில் கட்டுக்கட்டாக 2,000 ரூபாய் நோட்டுகள் பறிமுதல்

பிரபல தொடர்களின் ஒளிபரப்பு நேரம் மாற்றம்!

ராஜ பதவிகளைத் துறக்கிறாரா பிரிட்டன் இளவரசர்?

சத்தீஸ்கரில் 4 மாதங்களில் 80 நக்சல்கள் சுட்டுக் கொலை!

#Dinamani | வாக்காளர் அட்டை இல்லையா? சத்யபிரத சாகு விளக்கம்

SCROLL FOR NEXT