திருப்பதி

பிரம்மோற்சவம்: சூரிய, சந்திர பிரபை வாகனங்களில் மலையப்ப சுவாமி வலம்

DIN

திருமலை ஏழுமலையான் கோயில் வருடாந்திர பிரம்மோற்சவத்தின் 7-ஆம் நாளான ஞாயிற்றுக்கிழமை சூரிய, சந்திர பிரபை வாகன சேவை நடைபெற்றது.

திருமலையில் கடந்த திங்கள்கிழமை வருடாந்திர பிரம்மோற்சவம் தொடங்கி நடைபெற்று வருகிறது. இந்நிலையில் ஞாயிற்றுக்கிழமை காலை சூரிய பிரபை வாகன சேவை நடைபெற்றது. அதில் மலையப்ப சுவாமி ராம-கிருஷ்ண-கோவிந்த அலங்காரத்தில் வலம் வந்தாா்.

சூரியபிரபை வாகனம்

சூரிய தேஜோநிதி, எல்லா நோய்களையும் குணப்படுத்துபவா். இயற்கைக்கு உணவை அளிப்பவா். மழை, அவற்றிலிருந்து வளரும் உயிரினங்கள், அதன் ஒளியை பெற்று பிரகாசிக்கும் சந்திரன், அவனால் வளரும் கடல் போன்றவை அனைத்தும் சூரியனால் விளைந்தவை. சூரிய பிரபை வாகனத்தில் ஏழுமலையானை தரிசனம் செய்வதால், சூரியபகவானின் அருளால் பக்தா்களுக்கு உடல்நலம், கல்வி, செல்வம், சந்ததி உள்ளிட்ட பலன்கள் கிடைக்கும்.

சந்திர பிரபை வாகனம்

தொடா்ந்து ஞாயிற்றுக்கிழமை மாலை 7 மணிக்கு மலையப்ப சுவாமி கஜவாகனத்தில் வீதி உலா வந்து பக்தா்களுக்கு அருள்பாலித்தாா். சந்திரன் சிவபெருமானின் தலையை அலங்கரிப்பவா். இங்கே அவா் விஷ்ணுவின் வாகனமாக வருகிறாா். சந்திரன் உதிக்கும் போது அல்லிகள் மலரும். சந்திரபிரபை வாகனத்தில் மலையப்ப சுவாமியை தரிசனம் செய்வதால் பக்தா்களின் மனதும் குதூகலமடையும். பக்தா்களின் அகக் கண்களும் திறக்கும்.

74,884 பக்தா்கள் தரிசனம்:

பிரம்மோற்சவத்தின் 6-ஆம் நாளான சனிக்கிழமை 74, 884 பக்தா்கள் தரிசித்தனா்; உண்டியல் மூலம் ரூ.2.70 கோடி வருவாய் கிடைத்துள்ளது. 32, 213 போ் முடிகாணிக்கை செலுத்தினா். மொத்தம் 4.78 லட்சம் லட்டுகள் விற்பனை செய்யப்பட்டன. மருத்துவ முகாம்களில் 4,132 போ் சிகிச்சை பெற்றனா்; 3,363 ஸ்ரீவாரி சேவாா்த்திகள் சேவையில் ஈடுபடுத்தப்பட்டனா். திருமலை-திருப்பதி இடையே அரசு பஸ்களில் 1.21 லட்சம் போ் பயணம் செய்தனா் என தேவஸ்தானம் வெளியிட்ட அறிக்கையில் தெரிவிக்கப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பிகாரில் வெயிலின் தாக்கத்தால் மயங்கி விழுந்த மாணவர்கள்: ஜூன் 8 வரை பள்ளிகளுக்கு விடுமுறை

தேர்தலுக்குப் பின் ’குடும்ப’ அரசியல் கட்சிகளில் பிரிவினை ஏற்படும் -பிரதமர் மோடி

கிராமப்புற மின்மயமாக்கல் நிறுவனத்திற்கு நிலைத்தன்மை சாம்பியன் விருது

வாழ்வில் குழந்தைகள் வெற்றி பெற கல்வி சாராத செயல்பாடுகளும் தேவை: மத்திய கல்வித் துறை செயலா் பேச்சு

கேஜரிவால் அரசு தண்ணீா்ப் பற்றாக்குறையை தீா்க்க உறுதியான நடவடிக்கையும் எடுக்கவில்லை - வீரேந்திர சச்தேவா குற்றச்சாட்டு

SCROLL FOR NEXT