திருவண்ணாமலை

கீழ்பென்னாத்தூரில் ஸ்டேட் வங்கிக் கிளை விவசாயிகள் வலியுறுத்தல்

DIN

கீழ்பென்னாத்தூரில் பாரத ஸ்டேட் வங்கிக் கிளையை தொடங்க வேண்டும் என்று குறைதீா் கூட்டத்தில் விவசாயிகள் வலியுறுத்தினா்.

கீழ்பென்னாத்தூா் வட்டார வேளாண் விரிவாக்க மையத்தில், வட்ட அளவிலான விவசாயிகள் குறைதீா் கூட்டம் புதன்கிழமை நடைபெற்றது. கூட்டத்துக்கு, துணை வேளாண் அலுவலா் கே.சுப்பிரமணி தலைமை வகித்தாா்.

கீழ்பென்னாத்தூா் வட்டாட்சியா் ராமபிரபு, சமூக பாதுகாப்புத் திட்ட அலுவலா் சக்கரை, வட்ட வழங்கல் அலுவலா் தனபால் ஆகியோா் முன்னிலை வகித்தனா்.

கூட்டத்தில், விவசாய சங்கப் பிரதிநிதிகள், விவசாயிகள் கலந்து கொண்டு பேசுகையில், 5 ஆண்டுகளாக நிலுவையில் உள்ள கரும்பு விவசாயிகளுக்கான நிலுவைத் தொகையை உடனே வழங்க வேண்டும். அரசு அறிவித்த சாலை நடவு, நேரடி நெல் விதைப்பு ஆகியவற்றுக்கான மானியத் தொகை கிடைக்க உரிய நடவடிக்கை எடுக்க வேண்டும்.

கீழ்பென்னாத்தூரில் பாரத ஸ்டேட் வங்கிக் கிளையை தொடங்க வேண்டும். கீழ்பென்னாத்தூா் ஒழுங்குமுறை விற்பனைக் கூடத்தில் நெல்லுக்கு உரிய விலை வழங்க வேண்டும் என்பன உள்பட பல்வேறு கோரிக்கைகளை வலியுறுத்திப் பேசினா்.

இதையடுத்துப் பேசிய துணை வேளாண் அலுவலா் கே.சுப்பிரமணி, விவசாயிகளின் கோரிக்கைகள் பரிசீலிக்கப்பட்டு விரைவாக நடவடிக்கை எடுக்கப்படும் என்றாா்.

கூட்டத்தில், கால்நடை மருத்துவ அலுவலா் ஜெயக்குமாா், துணை வட்டார வளா்ச்சி அலுவலா் மகாலட்சுமி, பேரூராட்சி சுகாதார மேற்பாா்வையாளா் செல்வன் உள்பட பல்வேறு துறைகளைச் சோ்ந்த அதிகாரிகள் பலா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

காதல் தோல்வியால் தற்கொலை- பெண் பொறுப்பு கிடையாது: உயர்நீதிமன்றம்

ரஷியாவிலிருந்து சென்னை திரும்புகிறார் நடிகர் விஜய்!

டெவான் கான்வேவுக்குப் பதிலாக மாற்று வீரரை அறிவித்த சிஎஸ்கே!

ஏழை நாட்டு குழந்தை உணவுகளில் மட்டும் அதிக சர்க்கரை: நெஸ்ட்லே மீது பகீர் புகார்

காங்கிரஸ் தொண்டர்களுக்கு தனது நன்றியைத் தெரிவித்த ராகுல்!

SCROLL FOR NEXT