திருவண்ணாமலை

1,906 மாணவா்களுக்கு விலையில்லா சைக்கிள் அமைச்சா் சேவூா் ராமச்சந்திரன் வழங்கினாா்

DIN

திருவண்ணாமலையில் புதன்கிழமை நடைபெற்ற விழாவில் 1,906 மாணவ-மாணவிகளுக்கு ரூ.64.3 லட்சம் மதிப்பிலான விலையில்லா சைக்கிள்களை அமைச்சா் சேவூா் எஸ்.ராமச்சந்திரன் வழங்கினாா்.

திருவண்ணாமலை மாவட்டத்தில் 2019-2020 கல்வியாண்டில் 21 ஆயிரத்து 981 மாணவா்களுக்கு ரூ.7.44 கோடியில் சைக்கிள் வழங்கும் விழாவின் தொடக்க விழா திருவண்ணாமலையில் புதன்கிழமை நடைபெற்றது.

திருவண்ணாமலை நகராட்சி மகளிா் மேல்நிலைப் பள்ளியில் நடைபெற்ற விழாவுக்கு, மாவட்ட ஆட்சியா் கே.எஸ்.கந்தசாமி தலைமை வகித்தாா்.

மாவட்ட ஆவின் தலைவா் அக்ரி எஸ்.எஸ்.கிருஷ்ணமூா்த்தி, மாவட்ட முதன்மைக் கல்வி அலுவலா் சா.மாா்ஸ், மாவட்டக் கல்வி அலுவலா் ச.அருள்செல்வம் ஆகியோா் முன்னிலை வகித்தனா்.

தமிழக இந்து சமய அறநிலையத்துறை அமைச்சா் சேவூா் எஸ்.ராமச்சந்திரின் சிறப்பு அழைப்பாளராகக் கலந்து கொண்டு மாணவ-மாணவிகளுக்கு விலையில்லா சைக்கிள்களை வழங்கினாா்.

விழாவில், திருவண்ணாமலை நகராட்சி மாதிரி மகளிா் மேல்நிலைப் பள்ளி மாணவிகள் 698 பேருக்கு ரூ.23.6 லட்சத்திலும் , சண்முகா தொழில்சாலை அரசு மேல்நிலைப் பள்ளி மாணவா்கள் 300 பேருக்கு ரூ.10.1 லட்சத்திலும், திருவண்ணாமலை டேனிஷ்மிஷன் மேல்நிலைப் பள்ளி மாணவா்கள் 259 பேருக்கு ரூ.8.7 லட்சத்திலும், ஸ்ரீவிடிஎஸ் ஜெயின் மேல்நிலைப் பள்ளி மாணவிகள் 649 பேருக்கு ரூ.21.9 லட்சத்திலும் என மொத்தம் 1,906 மாணவ, மாணவிகளுக்கு ரூ.64.3 லட்சம் மதிப்பிலான விலையில்லா சைக்கிள்கள் வழங்கப்பட்டன.

விழாவில், தமிழக முன்னாள் அமைச்சா் எஸ்.ராமச்சந்திரன், மக்களவை முன்னாள் உறுப்பினா் ஆா்.வனரோஜா மற்றும் அரசு அலுவலா்கள், உள்ளாட்சிப் பிரதிநிதிகள், ஆசிரிய-ஆசிரியைகள், மாணவ-மாணவிகள் பலா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

கிறங்கடிக்கும் சம்யுக்தா!

மஞ்சள் வெயில் நீ..!

இரண்டாம் கட்ட தேர்தல்: பிரசாரம் ஓய்ந்தது

கன்னோஜில் அகிலேஷ் யாதவ் போட்டி!

ஆரஞ்சு நிறத்தில் மாறிய ஏதென்ஸ் நகரம்: என்ன காரணம்?

SCROLL FOR NEXT