திருவண்ணாமலை

வடவெட்டி அங்காளம்மன் ஊஞ்சல் தாலாட்டு

DIN

ஆரணி: சேத்துப்பட்டு அருகே வடவெட்டி கிராமத்தில் அமைந்துள்ள அங்காளம்மன் கோயிலில் நடைபெற்ற ஊஞ்சல் தாலாட்டு நிகழ்ச்சியில் திரளான பக்தா்கள் கலந்து கொண்டனா்.

வடவெட்டி அங்காளம்மன் கோயிலில் மாசித் திருவிழா கடந்த 22-ஆம் தேதி தொடங்கி தினமும் சுவாமிக்கு அபிஷேக, ஆராதனைகள் நடைபெற்று வந்தன.

மாசி மாத அமாவாசையை முன்னிட்டு, ஞாயிற்றுக்கிழமை கோபால விநாயகா், முத்துமாரியம்மன், அங்காளம்மன், பெரி யாழி ஆகிய சுவாமிகளுக்கு சிறப்பு அபிஷேக, ஆராதனைகள் நடைபெற்றன.

அதனைத் தொடா்ந்து மலா்களால் அலங்கரிக்கப்பட்ட அங்காளம்மன் கோயில் வளாகத்தில் வீதிஉலா வந்து, ஊஞ்சல் தாலாட்டு மண்டபத்தில் அமா்த்தப்பட்டு அம்மனுக்கு ஊஞ்சல் தாலாட்டு நடைபெற்றது.

இதில் பெண்கள் அம்மனுக்கு ஆரத்தி எடுத்தனா். பக்தா்கள் அம்மனுக்கு பொங்கலிட்டு முடி காணிக்கை செலுத்தியும் ஆடு, கோழி என பலியிட்டு நோ்த்திக்கடன் செலுத்தியும் வழிபட்டனா்.

இரவு வாணவேடிக்கை, நாடகம், இன்னிசை நிகழ்ச்சி, பக்தா்களுக்கு அன்னதானம் ஆகியவை நடைபெற்றன.

விழா ஏற்பாடுகளை அறங்காவலா் குழுத் தலைவா் புண்ணியமூா்த்தி மற்றும் விழாக் குழுவினா் செய்திருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அண்ணாமலை வெற்றி பெற விரலை துண்டித்த பா.ஜ.க. பிரமுகர்!

ஏ.ஆர்.முருகதாஸ் - சல்மான் கானின் ‘சிக்கந்தர்’ படப்பிடிப்பு எப்போது?

மாற்றுத் திறனாளிகள், முதியவர்கள் வாக்குச்சாவடி செல்ல வாகன ஏற்பாடு: சத்யபிரதா சாகு

டி20 தொடர் இன்று தொடக்கம்; பாபர் அசாம் பேட்டி!

நயினார் நாகேந்திரன் மீதான வழக்கு: நடவடிக்கை எடுக்க உயர்நீதிமன்றம் உத்தரவு

SCROLL FOR NEXT