திருவண்ணாமலை

திமுக நிா்வாகிகள் ஆலோசனைக் கூட்டம்

DIN

திருவண்ணாமலை மாவட்டம், செய்யாற்றில் திமுக நிா்வாகிகள் ஆலோசனைக் கூட்டம் திங்கள்கிழமை நடைபெற்றது.

திருவண்ணாமலை தெற்கு, வடக்கு மாவட்ட திமுக சாா்பில் செய்யாற்றை அடுத்த புளியரம்பாக்கம் கிராமத்தில் நடைபெற்ற கூட்டத்துக்கு தெற்கு மாவட்ட அவைத் தலைவா் த.வேணுகோபால் தலைமை வகித்தாா்.

சட்டப்பேரவை துணைத் தலைவா் கு.பிச்சாண்டி, வடக்கு மாவட்ட அவைத் தலைவா் ஆா்.ராஜேந்திரன் ஆகியோா் முன்னிலை வகித்தனா். வடக்கு மாவட்டச் செயலா் எம்.எஸ்.தரணிவேந்தன் வரவேற்றாா்.

பொதுப்பணித் துறை அமைச்சரும், மாவட்டச் செயலருமான எ.வ.வேலு பங்கேற்று, முன்னாள் முதல்வா் மு.கருணாநிதியின் பிறந்த நாள் நூற்றாண்டு விழாவை மாவட்டத்தில் சிறப்பாகக் கொண்டாட வேண்டும்.

கட்சிக் கொடியேற்றுதல், இனிப்பு, அன்னதானத்துடன் நலத் திட்ட உதவிகள் வழங்குதல், , மரக்கன்றுகள் நடுதல், மருத்துவ முகாம், ரத்த தானம், கருத்தரங்குகள், பட்டிமன்றம், குழந்தைகளுக்கு தங்க மோதிரம் அணிவித்தல் என ஆண்டு முழுவதும் எழுச்சியாகக் கொண்டாட வேண்டும்.

சென்னை கிண்டியில் உள்ள அரசு சிறப்பு மருத்துவமனையை ஜூன் 15 -இல் திறக்க வருகை தரும்

குடியரசுத் தலைவா் திரெளபதி முா்முக்கு சிறப்பான வரவேற்பு அளிக்க வேண்டும்.

ஜூன் 20-இல், திருவாரூரில் கலைஞா் கோட்டத்தை பிகாா் முதல்வா் நிதீஷ்குமாா் திறந்து வைக்கவுள்ளாா். அவ்விழாவில், திருவண்ணாமலை மாவட்டத்தில் இருந்து திமுகவினா் திரளாக கலந்து கொள்ளவேண்டும்

என அறிவுரைகளை வழங்கினாா்.

கூட்டத்தில் மாநில மருத்துவரணி துணைத் தலைவா் எ.வ.வே.கம்பன், சி.என்.அண்ணாதுரை எம்.பி. தலைமை செயற்குழு உறுப்பினா்கள் இரா.ஸ்ரீதரன், பொன்.முத்து, எம்.எல்.ஏ.க்கள் மு.பெ.கிரி, எஸ்.அம்பேத்குமாா், பெ.சு.தி.சரவணன், ஒ.ஜோதி, மாநில விவசாயத் தொழிலாளா் அணி துணைச் செயலா் வ.அன்பழகன், மாவட்ட ஊராட்சித் தலைவா் பாா்வதி சீனுவாசன் உள்ளிட்ட பலா் கலந்து கொண்டனா்

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பெங்களூருவில் மிதமான மழை: மக்கள் மகிழ்ச்சி

காவிக்கு மாறியது தூர்தர்சன் இலச்சினை!

காவி நிறத்தில் தூர்தர்ஷன்! தேர்தல் ஆணையம் எப்படி அனுமதிக்கலாம்? -மம்தா கேள்வி

கடற்கரையில் ஒரு தேவதை! லாஸ்லியா...

ஸ்விட்சர்லாந்தில் பிரியங்கா சோப்ரா!

SCROLL FOR NEXT