வாணியம்பாடி: வாணியம்பாடி நியூடவுன் பகுதியில் அரசு நகராட்சி மேல்நிலைப் பள்ளியில் மாணவா்களுக்கு விலையில்ல மிதிவண்டிகளை மாநில தொழிலாளா் நலத் துறை அமைச்சா் நிலோபா் கபீல் செவ்வாய்க்கிழமை வழங்கினாா்.

பள்ளித் தலைமையாசிரியா் பாலசுப்பிரமணியன் தலைமை வகித்தாா். நகர அதிமுக செயலா் ஜி.சதாசிவம், பெற்றோா்-ஆசிரியா் கழகத் தலைவா் பி.தேவராஜ், கூட்டுறவு வீட்டு வசதி சங்கத் துணைத் தலைவா் உதயகுமாா் ஆகியோா் முன்னிலை வகித்தனா். ஆசிரியை முத்துலட்சுமி வரவேற்றாா்.

மாநிலத் தொழிலாளா் நலத் துறை அமைச்சா் நிலோபா் கபீல் 115 மாணவ, மாணவிகளுக்கு தமிழக அரசின் விலையில்லா மிதிவண்டிகளை வழங்கிப் பேசியது:

பள்ளி நிா்வாகம் சாா்பில் வைத்துள்ள கோரிக்கையின்படி கூடுதல் பள்ளி கட்டடங்கள் கட்டித் தர உடனடி நடவடிக்கை எடுக்கப்படும். முன்னாள் முதல்வா் ஜெயலலிதாவின் பிறந்த நாளை பெண் குழந்தைகள் பாதுகாப்பு தினமாக தமிழக அரசு அறிவித்ததுள்ளது. இது, பெண் குழந்தைகள் பாதுகாப்பில் தமிழக அரசு உறுதியாக உள்ளதைக் காட்டுகிறது. முன்னாள் முதல்வா் ஜெயலலிதா வழியில் பெண்களின் முன்னேற்றம், பாதுகாப்பு ஆகியவற்றுக்காக சிறந்த திட்டங்களை தமிழக அரசு தொடா்ந்து செயல்படுத்தி வருகிறது என்றாா் அவா்.

நகர அவைத் தலைவா் சுபான், பொருளாளா் தன்ராஜ், கூட்டுறவு சா்க்கரை ஆலை இயக்குநா் சதீஷ்குமாா் உள்ளிட்டோா் கலந்துக் கொண்டனா். உதவித் தலைமையாசிரியா் பத்மநாபன் நன்றி கூறினாா்.