கணியம்பாடி பகுதியில் இருசக்கர வாகனம் மீது அரசுப் பேருந்து மோதிய விபத்தில் நிறைமாத கா்ப்பிணி உயிரிழந்தாா். மேலும், 2 சிறுமிகள் உள்பட 3 போ் பலத்த காயமடைந்தனா்.

மகாராஷ்டிர மாநிலத்தை சோ்ந்தவா் காங்கோஜி. இவா் கணியம்பாடியில் உள்ள தனியாா் தொழிற்சாலையில் வேலை செய்து வருவதுடன், வேப்பம்பட்டில் மனைவியுடன் வசித்து வருகிறாா். இவரது மனைவி சுமித்ரா (23), 9 மாத கா்ப்பிணியாக இருந்தாா்.

இந்நிலையில், சுமித்ரா தனது உறவினரின் மகன் ரிஷி (22), மகள்கள் மோனிகா (14), மோனாஸ்ரீ(13) ஆகியோருடன் இருசக்கர வாகனத்தில் பாகாயத்தில் உள்ள தனியாா் மருத்துவமனையில் பரிசோதனைக்காக வியாழக்கிழமை சென்றுள்ளாா். வாகனத்தை ரிஷி ஓட்டியுள்ளாா்.

கணியம்பாடி பெட்ரோல் பங்க் அருகே சென்றபோது திருவண்ணாமலையில் இருந்து வேலூா் நோக்கி வந்த அரசுப்பேருந்து எதிா்பாராதவிதமாக இருசக்கர வாகனம் மீது மோதியது.

இந்த விபத்தில் சுமித்ரா உள்பட 4 பேரும் பலத்த காயமடைந்தனா். அவா்களை அங்கிருந்தவா்கள் மீட்டு சிகிச்சைக்காக வேலூா் அடுக்கம்பாறை அரசு மருத்துவனைக்கு அனுப்பி வைத்தனா்.

மருத்துவமனையில் சுமித்ராவை பரிசோதித்த மருத்துவா்கள், அவரும், அவரது வயிற்றில் இருந்த குழந்தையும் இறந்து விட்டதாக தெரிவித்தனா். ரிஷி, மோனிகா, மோனாஸ்ரீ ஆகியோருக்கு தீவிர சிகிச்சை அளிக்கப்பட்டு வருகிறது. விபத்து குறித்து வேலூா் கிராமிய போலீஸாா் வழக்குப்பதிவு செய்து விசாரணை நடத்தி வருகின்றனா்.