கோவை பிஎஸ்ஜி மருத்துவமனையில் புற்றுநோயியல், உணவியல் துறை கருத்தரங்கு சனிக்கிழமை நடைபெற்றது.

புற்றுநோய் சிகிச்சையில் அதிகரித்து வரும் ஊட்டச்சத்தின் முக்கியத்துவத்தை வலியுறுத்தி நடைபெற்ற இந்தக் கருத்தரங்கில் 200-க்கும் மேற்பட்ட மருத்துவா்கள், உணவியல் நிபுணா்கள், ஆராய்ச்சியாளா்கள் பங்கேற்றனா்.

தொடக்க விழாவுக்கு, பிஎஸ்ஜி சன்ஸ் அறக்கட்டளையின் நிா்வாக அறங்காவலா் எல்.கோபாலகிருஷ்ணன் தலைமை வகித்தாா். மருத்துவமனை இயக்குநா் ஜே.எஸ்.புவனேஸ்வரன், புற்றுநோயியல் துறை இயக்குநா் டி.பாலாஜி, முதல்வா் டி.எம்.சுப்பாராவ், மருத்துவ இயக்குநா் ஆா்.காா்த்திகேயன், மருத்துவ மேலாளா் கே.எஸ்.ராஜ்குமாா், வி.கவிதா உள்ளிட்டோா் பங்கேற்றனா்.

அறிவியல் அமா்வுகளில் குழந்தைகள் புற்றுநோயியல் துறை ஆலோசகா் சஷி ரஞ்சனி, விரிவுரையாளா் சாந்தி, அப்போலோ குழந்தைகள் மருத்துவமனையின் உணவியல் துறைத் தலைவா் லேகா ஸ்ரீதரன், ஜெம் புற்றுநோய் மையத்தின் கல்வியியல் இயக்குநா் மது சாய்ராம், திருவல்லா பிலிவா்ஸ் சா்ச் மருத்துவமனையின் உணவுக் கட்டுப்பாட்டுத் துறைத் தலைவா் ஜோதி எஸ்.கிருஷ்ணன், அடையாறு புற்றுநோய் சிகிச்சை துறைத் தலைவா் அரவிந்த் ஆகியோா் உரையாற்றினா்.

இதில், பிஎஸ்ஜி இரைப்பை குடல் அறுவை சிகிச்சை நிபுணா் கே.பாலு, பெங்களூரு அப்போலோ மருத்துவமனையின் தீவிர சிகிச்சைப் பிரிவு தலைமை ஆலோசகா் ஹிமால் தேவ், கே.சுனிதா உள்ளிட்டோா் பங்கேற்றனா். இதைத் தொடா்ந்து, குழு விவாதம் நடைபெற்றது.