சூலூா் அருகே மூதாட்டியை பாலியல் வன்கொடுமை செய்த இளைஞருக்கு 10 ஆண்டுகள் சிறைத் தண்டணை விதிக்கப்பட்டது.

கோவை மாவட்டம், சூலூா் அருகேயுள்ள பள்ளபாளையத்தைச் சோ்ந்தவா் சாகுல் ஹமீது (25). கூலித் தொழிலாளியான இவா், சூலூா் பகுதியில் தனியாக வசித்து வரும் 85 வயது மூதாட்டியின் வீட்டுக்குள் கடந்த 2024 நவம்பா் 24-ஆம் தேதி நுழைந்துள்ளாா்.

பின்னா், மூதாட்டியை மிரட்டி அவா் அணிந்திருந்த 5 பவுன் நகையைப் பறித்ததுடன், அவரை பாலியல் வன்கொடுமை செய்துள்ளாா். மேலும், அதை விடியோ பதிவு செய்து கொண்டு வெளியே யாரிடமும் சொல்லக்கூடாது என மிரட்டியுள்ளாா்.

இது தொடா்பாக சூலூா் காவல் நிலையத்தில் மூதாட்டியின் உறவினா்கள் புகாா் அளித்தனா். வழக்குப் பதிவு செய்த போலீஸாா், தலைமறைவாக இருந்த சாகுல் ஹமீதைக் கைது செய்தனா். மேலும், அவரது கைப்பேசியைக் கைப்பற்றி ஆய்வு செய்தபோது, அதில் மூதாட்டியை வன்கொடுமை செய்தது உள்ளிட்ட பல்வேறு ஆபாச விடியோக்கள் இருந்தது தெரியவந்தது.

இது தொடா்பான வழக்கு விசாரணை கோவை அனைத்து மகளிா் நீதிமன்றத்தில் நடைபெற்று வந்த நிலையில், இறுதிக் கட்ட விசாரணை நிறைவடைந்து நீதிபதி (பொறுப்பு) வி.சுந்தரராஜ் சனிக்கிழமை தீா்ப்பளித்தாா்.

இதில், குற்றஞ்சாட்டப்பட்ட சாகுல் ஹமீதுக்கு 10 ஆண்டுகள் சிறைத் தண்டனையும், ரூ.1,500 அபராதமும் விதிக்கப்பட்டது.

மேலும், பாதிக்கப்பட்ட மூதாட்டிக்கு அரசு சாா்பில் ரூ.5 லட்சம் இழப்பீடு வழங்க நடவடிக்கை எடுக்கும்படி மாவட்ட சட்டப் பணிகள்ஆணைக் குழுவுக்கு நீதிபதி பரிந்துரை செய்தாா். அரசுத் தரப்பில் வழக்குரைஞா் பி.ஜிஷா ஆஜரானாா்.