பொள்ளாச்சி என்.ஜி.எம். கல்லூரியில் உடல்நலம் குறித்த விழிப்புணர்வுக் கருத்தரங்கம், செய்முறை பயிற்சி நடைபெற்றது.
கல்லூரி வரலாற்றுத் துறை ரீச் சமூகப் பணி அமைப்பு, உடற்கல்வித் துறை, சேவாலயம் அமைப்பு சார்பில் இக்கருத்தரங்கம் நடைபெற்றது. சேவாலயம் அமைப்பு நிர்வாகி சீனிவாசன் வரவேற்றார்.
கல்லூரி முதல்வர் பழனிசாமி தலைமை வகித்தார். வரலாற்றுத் துறைத் தலைவர் முத்துகுமரன் முன்னிலை வகித்தார்.
குழந்தைகள் நல மருத்துவர் லட்சுமணிசாமி, மகப்பேறு மருத்துவர் லதாராதாகிருஷ்ணன் ஆகியோர் உடல்நலம் குறித்துப் பேசினர்.
உடல் ஆரோக்கியத்துடன் இருக்க செய்யவேண்டிய பயிற்சிகள் குறித்தும் செயல் விளக்கம் அளிக்கப்பட்டது. உடற்கல்வி இயக்குநர் அசோக்குமார் உடற்பயிற்சிகள் குறித்துப் பேசினார்.