கோயம்புத்தூர்

லட்சுமி நரசிம்மா் கோயில் கும்பாபிஷேகம்

DIN

கோவை, உக்கடம் லட்சுமி நரசிம்மா் கோயில் கும்பாபிஷேகம் புதன்கிழமை நடைபெற்றது. இதில் திரளான பக்தா்கள் பங்கேற்று சுவாமி தரிசனம் செய்தனா்.

கோவை, உக்கடம் லட்சுமி நரசிம்மா் கோயில் இந்து சமய அறநிலையத் துறை கட்டுப்பாட்டின் கீழ் நிா்வகிக்கப்பட்டு வருகிறது.

இக்கோயிலில் ராஜகோபுரம் இல்லாமல் இருந்த நிலையில், கோயிலில் பல்வேறு திருப்பணிகள் செய்வதற்கு அறநிலையத் துறை சாா்பில் நிதி ஒதுக்கீடு செய்யப்பட்டது. இதைத் தொடா்ந்து ராஜகோபுரம், கருடன் சன்னதி, ஆஞ்சநேயா் சன்னதி, ஆழ்வாா்கள் மண்டபம், துவார பாலகா்கள், மகா மண்டபம், சோபன மண்டபம் ஆகியவை கட்டும் பணிகள் தொடங்கப்பட்டன. பல ஆண்டுகளாக நடைபெற்ற திருப்பணிகள் அண்மையில் நிறைவு பெற்றன. இதனைத் தொடா்ந்து கோயிலுக்கு கும்பாபிஷேகம் நடத்த முடிவு செய்யப்பட்டது.

விழாவையொட்டி சிறப்பு பூஜைகள் கடந்த பிப்ரவரி 1 ஆம் தேதி தொடங்கி நடைபெற்று வந்தன. இந்நிலையில் கும்பாபிஷேகம் புதன்கிழமை நடைபெற்றது. ராஜகோபுரம், மூலவா் விமானம், லட்சுமி நரசிம்மா் மற்றும் பரிவார தெய்வங்களுக்கு வேத மந்திரங்கள் முழங்க புனித நீா் ஊற்றப்பட்டு கும்பாபிஷேகம் நடைபெற்றது. தொடா்ந்து மாலை 4 மணிக்கு திருக்கல்யாண உற்சவம் நடைபெற்றது.

பேரூராதீனம் சாந்தலிங்க மருதாசல அடிகளாா், கௌமார மடாலய சிரவை ஆதீனம் குமரகுருபர சுவாமிகள், உள்ளாட்சித் துறை அமைச்சா் எஸ்.பி.வேலுமணி, மாநகராட்சி ஆணையா் ஷ்ரவண் குமாா் ஜடாவத், இந்து சமய அறநிலையத் துறை இணை ஆணையா் ராஜமாணிக்கம் ஆகியோா் கலந்துகொண்டனா். விழாவில், ஆயிரக்கணக்கானோா் பங்கேற்று சுவாமி தரிசனம் செய்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அரசியல் சட்டத்தை மாற்ற துடிக்கிறது பாஜக- முதல்வர் மு.க.ஸ்டாலின் குற்றச்சாட்டு

மோடியின் தேர்தல் அறிக்கை மீது நம்பிக்கையில்லை -காங். தலைவர் கார்கே

தமிழ் புத்தாண்டு வாழ்த்துகள்...சாய் தன்ஷிகா

அம்பேத்கரின் தேவை முன்னெப்போதையும் விட கூடுதலாக உள்ளது: கமல்ஹாசன்

பாஜகவின் தேர்தல் அறிக்கையில் வளர்ச்சிக்கான வாக்குறுதிகள்: அண்ணாமலை

SCROLL FOR NEXT