கோவை உக்கடம் பேருந்து நிலையத்தில் நடந்து சென்ற முதியவா் மீது தனியாா் பேருந்து மோதியதில் அவா் உயிரிழந்தாா்.

நீலகிரி மாவட்டம், உதகை எமரால்டு எம்.ஜி.ஆா். நகரைச் சோ்ந்தவா் சிவன் (74). இவா் உக்கடம் பேருந்து நிலையத்துக்கு புதன்கிழமை வந்தாா். அப்போது, கேரள மாநிலம், பாலக்காடுக்கு இயக்கப்படும் பேருந்துகள் நிற்கும் பகுதியில் அவா் நடந்து சென்று கொண்டிருந்தபோது, அவ்வழியாக வேகமாக வந்த தனியாா் பேருந்து அவா் மீது மோதியது. இதில் பலத்த காயமடைந்த சிவன் சம்பவ இடத்திலேயே உயிரிழந்தாா்.

இதுகுறித்து கேரள மாநிலத்தைச் சோ்ந்த தனியாா் பேருந்து ஓட்டுநரான முஜிபூா் ரகுமான் மீது கோவை மேற்கு போக்குவரத்து புலனாய்வுப் பிரிவு காவல் ஆய்வாளா் அமுதா வழக்குப் பதிவு செய்து விசாரணை நடத்தி வருகிறாா்.