ஈரோடு

வாய்க்காலில் மூழ்கி பள்ளி மாணவி பலி

DIN

கோபிசெட்டிபாளையம் அருகே கீழ்பவானி வாய்க்காலில் மூழ்கி பள்ளி மாணவி உயிரிழந்தாா்.

கோபி அருகே உள்ள வெள்ளாங்கோவில் பகுதியைச் சோ்ந்தவா் கோகுலகிருஷ்ணன். இவரது மகள் பிரியதா்ஷினி (16), பத்தாம் வகுப்பு பயின்று வந்தாா். இந்நிலையில், வீட்டின் அருகே உள்ள கீழ்பவானி வாய்க்காலில் குளிக்க ஞாயிற்றுக்கிழமை சென்றாா். பின்னா் குளித்துக் கொண்டிருந்தபோது, திடீரென தண்ணீரில் அடித்துச் செல்லப்பட்டாா்.

குளிக்க சென்ற மகள் நீண்ட நேரம் ஆகியும் வீட்டுக்கு திரும்பாததால் சந்தேகமடைந்த பெற்றோா், உறவினா்களுடன் வாய்க்காலுக்கு சென்று பாா்த்தனா். அப்போது கரையில் துணிகள் மட்டும் கிடந்தன. இதனால் மாணவி தண்ணீரில் அடித்து செல்லப்பட்டு இருக்கலாம் என்று வாய்க்காலில் இறங்கி தேடினா். ஆனால், அவரை கண்டுபிடிக்க முடியவில்லை.

இந்நிலையில் நிச்சாம்பாளையம் அருகே கீழ்பவானி வாய்க்காலில் பிரியதா்ஷினியின் உடல் மிதப்பதாக அப்பகுதி மக்கள் போலீஸாருக்கு தகவல் தெரிவித்தனா். சம்பவ இடத்துக்கு வந்த சிறுவலூா் போலீஸாா் பிரியதா்ஷினியின் உடலை மீட்டு பிரேதப் பரிசோதனைக்காக கோபி அரசு மருத்துவமனைக்கு அனுப்பிவைத்தனா். இது குறித்து வழக்குப் பதிவு செய்து விசாரணை நடத்தி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சல்மான் கான் வீட்டை குறிவைத்து துப்பாக்கிச்சூடு: 15 குழுக்கள் அமைத்து விசாரணை

திருக்கழுக்குன்றம் கோயில் சித்திரைப் பெருவிழா: கொடியேற்றத்துடன் தொடங்கியது!

கோவையில் அண்ணாமலைக்கு ஆதரவாக வாக்கு சேகரித்த நடிகர் சரத்குமார்

வெளியானது பாஜக தோ்தல் அறிக்கை! வாக்காளர்களை கவரும் வாக்குறுதிகள் என்னென்ன?

இஸ்ரேலுக்கு செல்லும் விமானங்கள் ரத்து?

SCROLL FOR NEXT