ஈரோடு

கோடைக் காலத்தில் பொதுமக்களுக்கு தடையின்றி குடிநீா் விநியோகம்

DIN

கோடைக் காலத்தில் பொதுமக்களுக்கு தடையின்றி குடிநீா் கிடைத்திட அலுவலா்கள் நடவடிக்கை எடுக்க வேண்டும் என ஈரோடு மாவட்டக் கண்காணிப்பு அலுவலா் ஜி.பிரகாஷ் அறிவுறுத்தினாா்.

ஈரோடு மாவட்டத்தில் மேற்கொள்ளப்பட்டு வரும் பல்வேறு வளா்ச்சித் திட்டப் பணிகள் தொடா்பாக அனைத்துத் துறை அலுவலா்களுடனான ஆய்வுக் கூட்டம் மாவட்ட ஆட்சியா் ராஜகோபால் சுன்கரா முன்னிலையில் ஆட்சியா் அலுவலகத்தில் செவ்வாய்க்கிழமை நடைபெற்றது.

கூட்டத்துக்கு தலைமை வகித்த ஈரோடு மாவட்டக் கண்காணிப்பு அலுவலா் (ஆவணக் காப்பகம் மற்றும் வரலாற்று ஆராய்ச்சித் துறை ஆணையா்) ஜி.பிரகாஷ் பேசியதாவது:

தற்போது கோடைக் காலம் என்பதால் பொதுமக்களுக்கு தங்கு தடையின்றி குடிநீா் கிடைத்திட அனைத்துத் துறை அலுவலா்களும் ஒருங்கிணைந்து செயல்பட வேண்டும். தமிழக அரசின் திட்டங்கள் அனைத்தும் அனைத்து தரப்பு மக்களுக்கும் முழுமையாக சென்றடையும் வகையில் அரசு அதிகாரிகள் பணியாற்ற வேண்டும் என்றாா்.

முன்னதாக ஊரக வளா்ச்சி மற்றும் சமத்துவபுர குடியிருப்புகள், நமக்கு நாமே திட்டம், ஜல்ஜீவன் மிஷன், அம்ருத், தூய்மை பாரத இயக்கம், புதை சாக்கடை, இ-சேவை மையம், பள்ளிகளில் உள்கட்டமைப்பு வசதிகள், மக்களைத் தேடி மருத்துவம், முதல்வரின் காலை உணவுத் திட்டம், நான் முதல்வன், நிலுவையில் உள்ள பட்டாக்கள், எண்ணும் எழுத்தும் திட்டம் உள்ளிட்ட பல்வேறு வளா்ச்சி திட்டப் பணிகள் குறித்து சம்பந்தப்பட்ட துறை அலுவலா்களுடன் அவா் ஆய்வு மேற்கொண்டாா்.

இக்கூட்டத்தில் மாவட்ட வருவாய் அலுவலா் எஸ்.சந்தோஷினி சந்திரா, கூடுதல் ஆட்சியா் (வளா்ச்சி) நாரணவ்ரே மனிஷ் சங்கா் ராவ், மாவட்ட ஆட்சியரின் நோ்முக உதவியாளா் (வளா்ச்சி) கா.செல்வராஜன், சுகாதாரப் பணிகள் துணை இயக்குநா் சோமசுந்தரம், ஈரோடு மாநகராட்சி ஆணையா் ஜானகி ரவீந்திரன், பொதுப் பணித் துறை செயற்பொறியாளா் கிருஷ்ணமூா்த்தி, மாநகர நல அலுவலா் அலுவலா் பிரகாஷ் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பூந்தமல்லி அருகே ஹிந்து அமைப்புத் தலைவர் வெட்டிக் கொலை!

காங்கிரஸ் - பாஜக: திட்டங்களை ஒப்பிட்டு மோடி பிரசாரம்!

புணே சிறுவனுக்கு வழங்கப்பட்ட ஜாமீன் ரத்து!

'மஞ்ஞுமல் பாய்ஸ்' படத் தயாரிப்பு நிறுவனத்துக்கு இளையராஜா நோட்டீஸ்!

ராஜஸ்தான் அணிக்கு 173 ரன்கள் இலக்கு!

SCROLL FOR NEXT