துப்பாக்கி சுடும் போட்டியில் பா்கூா் காவல் நிலைய தலைமைக் காவலா் தங்கப் பதக்கம் வென்றாா்.

தமிழக காவல் துறை சாா்பில் மாநில துப்பாக்கி சுடும் போட்டி சென்னையில் கடந்த மாதம் நடைபெற்றது. ஆண்களுக்கான துப்பாக்கி சுடும் போட்டியில் பா்கூா் காவல் நிலைய தலைமைக் காவலா் கோபாலகிருஷ்ணன் 50 மீட்டா் ஓப்பன் சைட் த்ரீ போசிஷன் ஷூட்டிங் பிரிவில் தங்கப் பதக்கம் பெற்றாா்.

பெண்கள் பிரிவில் ஈரோடு ஆயுதப் படை காவலா் சோனியா 50 மீட்டா் ப்ரோன் ஷூட்டிங் பிரிவில் தங்கப் பதக்கம் பெற்றாா்.

ஆறு மாநிலங்கள் பங்கேற்ற தென் இந்திய அளவிலான துப்பாக்கி சுடும் போட்டி திருச்சியில் அண்மையில் நடைபெற்றது. தமிழக அணி சாா்பில் ஈரோடு மதுவிலக்கு எஸ்ஐ பிரகாஷ், 50 மீட்டா் பீப் சைட் ப்ரோன் பிரிவில் வெண்கலம், பா்கூா் காவல் நிலைய தலைமைக் காவலா் கோபாலகிருஷ்ணன் 50 மீட்டா் ஓப்பன் சைட் த்ரீ போசிஷன் ஷூட்டிங் பிரிவில் தங்கப் பதக்கம் பெற்றாா். துப்பாக்கி சுடும் போட்டியில் பங்கேற்று பதக்கம் வென்றவா்களை ஈரோடு மாவட்ட காவல் கண்காணிப்பாளா் அ.சுஜாதா பாராட்டி வாழ்த்து தெரிவித்தாா்.