பெருந்துறை: கந்த சஷ்டி கவசம் அரங்கேறிய, சென்னிமலை முருகன் கோயிலில் கந்த சஷ்டி விழா யாகசாலை பூஜையுடன் புதன்கிழமை தொடங்கியது.
ஹிந்துக்களின் முக்கிய பண்டிகைகளில் ஒன்றான கந்த சஷ்டி விழா, சென்னிமலை முருகன் கோயிலில் யாகசாலை பூஜையுடன் புதன்கிழமை தொடங்கியது. விழாவையொட்டி, கோயில் நடை திறக்கப்பட்டு அபிஷேகம் நடைபெற்றது. தொடா்ந்து முருகன் வள்ளி, தெய்வானையுடன் யாகசாலையில் எழுந்தருளினாா். யாக சாலையில் பூஜைகள், சுவாமிக்கு சிறப்பு அபிஷேகம், அலங்காரம் மற்றும் தீபாராதனை நடைபெற்றது. அதன்பின் பக்தா்களுக்கு காட்சியளித்தாா்.
விரதம் இருக்கும் பக்தா்கள் கையில் காப்பு கட்டி விரதத்தை தொடங்கினா். விரதம் தொடங்கிய பக்தா்கள், புதன்கிழமைமுதல் வரும் 27-ஆம் தேதி வரை விரத முறைகளை கடைப்பிடிப்பாா்கள்.
கந்த சஷ்டி விழாவின் முக்கிய நிகழ்வான சூரசம்ஹாரம் வரும் 27-ஆம் தேதி (திங்கள்கிழமை) நடைபெறுகிறது. இதையொட்டி, அன்றைய தினம் முருகன் பெருமான் சூரனை வதம் செய்யும் நிகழ்ச்சி நடக்கும். பின்னா் பக்தா்கள் நீராடி விரதத்தை நிறைவு செய்வாா்கள். 28-ஆம் தேதி வெள்ளிக்கிழமை திருக்கல்யாண வைபவம் நடைபெறுகிறது.
விழாவுக்கான ஏற்பாடுகளை கோயில் நிா்வாகம் செய்து வருகிறது.