திருப்பூர்

தெற்கு குறுமைய கபடி போட்டி:இடுவம்பாளையம் அரசுப் பள்ளி வெற்றி

DIN

திருப்பூர் தெற்கு குறுமைய அளவிலான மாணவிகளுக்கான கபடி போட்டியில் இடுவம்பாளையம் அரசு மேல்நிலைப் பள்ளி அணி வெற்றி பெற்றுள்ளது.
பல்லடம் சாலையில் உள்ள தனியார் பள்ளியில் திங்கள்கிழமை நடைபெற்ற 14 வயதுக்கு உட்பட்டோருக்கான கபடி போட்டியில் 8 பள்ளிகள் பங்கேற்றன. இதில் இறுதி ஆட்டத்தில் விளையாடிய இடுவம்பாளையம் அரசு மேல்நிலைப் பள்ளி அணி 32-10 என்ற புள்ளிகள் கணக்கில் காமாட்சியம்மன் பள்ளி அணியை வென்றது.
மேலும், 17 வயதுக்கு உட்பட்டோர் பிரிவில் 7 பள்ளிகள் கலந்து கொண்டன. இறுதி ஆட்டத்தில் விளையாடிய இடுவம்பாளையம் அரசு மேல்நிலைப் பள்ளி அணி 40-15 என்ற புள்ளிகள் கணக்கில் விஜயாபுரம் அரசு மேல்நிலைப் பள்ளி அணியை வென்றது. இதேபோல, 19 வயதுக்கு உட்பட்டோர் பிரிவில் 3 பள்ளிகள் கலந்து கொண்டன. 
இறுதி ஆட்டத்தில் வீரபாண்டி அரசு மேல்நிலைப் பள்ளி அணி 29-22 என்ற புள்ளிகள் கணக்கில் எம்.என்.முருகப்ப செட்டியார் பள்ளி அணியை வென்றது.இந்தப் போட்டியில் உடற்கல்வி ஆசிரியர்கள் ஆனந்தன், ராமகிருஷ்ணன், மோகன்ராஜ், பாலசுப்பிரமணியன், சரவணன் ஆகியோர் நடுவர்களாகப் பணியாற்றினர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ரஷ்யாவில் கடும் வெள்ளம் - புகைப்படங்கள்

டெல் அவிவ் நகருக்கு ஏா் இந்தியா விமானச் சேவை ரத்து

பாகிஸ்தானில் சரப்ஜீத் சிங் கொலையாளி அமீர் சா்ஃப்ராஸ் தம்பா சுட்டுக் கொலை

தனியாரிடம் அரசு தோற்றுவிட்டது: சீமான் பேச்சு

ஆர்சிபியை வீழ்த்த கடின உழைப்பு தேவை: டேனியல் வெட்டோரி

SCROLL FOR NEXT