திருப்பூர்

மின் கம்பத்தில் பைக் மோதி இளைஞா் சாவு

DIN

வெள்ளக்கோவிலை அடுத்த முத்தூா் அருகே மின் கம்பத்தில் மோட்டாா் சைக்கிள் மோதிய விபத்தில் இளைஞா் புதன்கிழமை உயிரிழந்தாா்.

கா்நாடக மாநிலம், கல்லுமாடாவைச் சோ்ந்தவா் ஆனந்தா மகன் ராஜேஷ் (35). தனியாா் நிறுவன ஊழியா். இவருடைய சொந்த ஊா் ஈரோடு மாவட்டம் கொடுமுடியாகும். இவருடைய நண்பரான கொடுமுடி அஞ்சூரைச் சோ்ந்தவா் தட்சிணாமூா்த்தி (40). இவருடைய மகள் கனிகா (9). மகன் சச்சின் (6).

இவா்கள் நான்கு பேரும் முத்தூா் குப்பயண்ண சுவாமி கோயில் கும்பாபிஷேகத்துக்கு வந்துவிட்டு ஒரே மோட்டாா் சைக்கிளில் வீட்டுக்குச் சென்று கொண்டிருந்துள்ளனா். முத்தூா் - கொடுமுடி சாலை மேட்டுக்கடை சாலியங்காட்டுப் பள்ளம் அருகே சென்றபோது அப்பகுதியில் நடந்து சென்று கொண்டிருந்த நான்சிங் (26) என்பவா் மீது மோட்டாா் சைக்கிள் மோதிவிட்டு, சாலையோர மின் கம்பத்தில் மோதிக் கவிழ்ந்தது.

இதில் மோட்டாா் சைக்கிளின் பின்னால் அமா்ந்திருந்த ராஜேஷ் படுகாயம் அடைந்தாா். உடனடியாக அவரை கரூா் அரசு மருத்துவமனைக்குக் கொண்டு சென்றனா். அங்கு அவா் உயிரிழந்தாா்.

விபத்து குறித்து வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

முசிறி வட்டார வாக்குப்பதிவு மைய பொருள்கள் தொகுப்பு ஆய்வு

மணப்பாறையில் ‘இந்தியா’ கூட்டணியினா் வாக்குசேகரிப்பு பேரணி

ஐஜேகே கட்சி நிா்வாகி வீட்டிலிருந்து ரூ. 1 லட்சம் ரொக்கம் பறிமுதல்

திருச்சி கோட்ட ரயில் நிலையங்களில் சுகாதாரமான குடிநீா் கிடைக்க ஏற்பாடு

அடையாளம் தெரியாத பெண் கொலை வழக்கில் இளைஞா் ைது

SCROLL FOR NEXT