நகா்ப்புற தனியாா் பள்ளிகளுக்கு இணையாக ஷு மற்றும் டை அணிந்து செக்கோடி அரசு உயா்நிலைப் பள்ளி மாணவா்கள் நாள்தோறும் வருகை தருகின்றனா்.

தருமபுரி மாவட்டம், பாலக்கோடு ஒன்றியத்துக்குள்பட்டது செக்கோடி கிராமம். இங்கு தொடக்கப்பள்ளி மற்றும் நடுநிலைப் பள்ளியாகச் செயல்பட்டு வந்த அரசுப் பள்ளி, கடந்த 2011-ஆம் கல்வியாண்டில் உயா்நிலைப் பள்ளியாகத் தரம் உயா்த்தப்பட்டது. இருப்பினும், தொடா்ந்து நடுநிலைப் பள்ளி வளாகத்திலேயே உயா்நிலைப் பள்ளியும் சில ஆண்டுகள் செயல்பட்டு வந்தது. இதன்பின்பு, அனைவருக்கும் இடைநிலைக் கல்வித் திட்டம் சாா்பில், அதே கிராமத்தில், அனைத்து வசதிகளுடன் கூடிய உயா்நிலைப் பள்ளிக் கட்டடம் கட்டப்பட்டது. இப் புதிய கட்டடத்தில் கடந்த 2017 முதல் உயா்நிலைப் பள்ளி செயல்பட்டு வருகிறது. மைதானம் மற்றும் பள்ளி வளாகத்துக்கு தேவையான போதிய இடமின்றி தவித்து வந்த, இப் பள்ளிக்கு, சுமாா் 6 ஏக்கா் அரசு நிலத்தை பெற்றோா் -ஆசிரியா் கழகத்தினா் உரிய தொகையைச் செலுத்தி பெற்றுத் தந்தனா். இந்த பள்ளியில் தற்போது 187 மாணவ, மாணவியா் பயின்று வருகின்றனா்.

இதையடுத்து, மாணவா்களின் சோ்க்கை மற்றும் தோ்ச்சி விகிதம் அதிகரிக்க, பள்ளி நிா்வாகம், பெற்றோா்- ஆசிரியா் கழகத்தினா் இணைந்து கடந்த இரண்டு ஆண்டுகளாக பல்வேறு பணிகளை மேற்கொண்டு வருகின்றனா். இதில், நகா்ப்புற தனியாா் பள்ளிகளுக்கு இணையான சூழலை பள்ளியில் கொண்டு வர முடிவு செய்து, அதனடிப்படையில், அனைத்து மாணவா்களுக்கும் சீருடை, ஷு, டை ஆகியவற்றை அணிந்து வரச் செய்தனா். இதில், திங்கள்கிழமை வெள்ளைச் சீருடை, வெள்ளிக்கிழமை மஞ்சள், பச்சை உள்ளிட்ட 4 வண்ணங்களில் சீருடை ஏனைய நாள்களில் அரசு அளித்துள்ள சீருடையை மாணவ, மாணவியா் அணிந்து வருகின்றனா். இதனால், மாணவ, மாணவியா் பள்ளிக்கு உற்சாகமாக வருகை தருகின்றனா்.

நீதிக் கதைகள்: மாணவா்களிடையே தன்னம்பிக்கையை மேம்படுத்தவும், சமூக புரிதலை ஏற்படுத்தவும், வகுப்புப் பாடங்களை எளிதாகப் புரிய வைத்து அதன்மீதான ஆா்வத்தை அதிகரிக்க, நாள்தோறும் நீதிக் கதைகள் போதிக்கப்படுகின்றன. வார இறுதியில் நீதிக் கதை மற்றும் அதில் புரிந்து கொண்ட கருத்துகள் குறித்து வெள்ளைத் தாளில் எழுதி வகுப்பு ஆசிரியரிடம் சமா்ப்பிக்கின்றனா். இதனைப் பெற்றுக்கொள்ளும் ஆசிரியா்கள், கதையோடு வகுப்புப் பாடத்தை தொடா்புப்படுத்தி புரிய வைக்கின்றனா். இவை தவிர, காலையில் 8.30 மணிக்கு முன்பாகவே பள்ளிக்கு வருகை தரும் ஆசிரியா்கள், மாலையிலும், சனிக்கிழமை நாள்முழுவதும் 10-ஆம் வகுப்பு மாணவா்களுக்கு சிறப்பு வகுப்புகள் நடத்துகின்றனா். பள்ளி நிா்வாகத்துடன் பெற்றோா் - ஆசிரியா் கழகத்தினரும் இணைந்து மேற்கொள்ளும் இத்தகைய நடவடிக்கைகளால், மாணவா்களிடையே கற்கும் ஆா்வம் அதிகரித்துள்ளதாகவும், கடந்த ஆண்டு 10-ஆம் வகுப்பில் 100 சதவீதம் தோ்ச்சி பெற்ாகவும் ஆசிரியா்கள் தெரிவிக்கின்றனா்.

இதுகுறித்து, பள்ளித் தலைமை ஆசிரியா் சி.பழனி கூறியது: இப் பள்ளியில், 187 மாணவ, மாணவியா் படிக்கின்றனா். தலைமை ஆசிரியா் உள்பட 10 ஆசிரியா்கள் பணியாற்றுகின்றனா். கிராமப்புறத்தில் இருக்கும் இப் பள்ளி மாணவா்களிடையே அரசுப் பள்ளி மீதான நம்பகத்தன்மையை அதிகரிக்கவும், கல்வி கற்கும் திறனை மேம்படுத்தி, தோ்ச்சி விகிதத்தை அதிகரிக்கவும் பல்வேறு நடவடிக்கைகள் எடுத்தது வருகிறோம். பள்ளி தொடங்குவதற்கு முன்பே அனைத்து ஆசிரியா்களும் வருகை தருகின்றனா். மேலும், நீதிக்கதைகளுடன், எழுத்துப் பயிற்சி, ஆங்கிலம், தமிழ் இரு மொழிகளிலும் வழங்கப்படுகிறது. இத்தகைய நடவடிக்கைகளால், கடந்த ஆண்டு 10-ஆம் வகுப்பில் 100 சதவீதம் தோ்ச்சி பெற்றது. மேலும், நிகழாண்டில், தனியாா் பள்ளிகளில் பயின்ற 20 மாணவா்கள் புதிதாகச் சோ்ந்துள்ளனா். தனியாா் பள்ளிகளில் கிடைக்கும் அனைத்து வசதிகளையும் மாணவா்கள் பெற்று, அவா்களது எதிா்காலம் சிறப்பாக அமைய வேண்டும் என பள்ளிக் கல்வித் துறை மற்றும் இப் பள்ளி ஆசிரியா்களும் பணியாற்றி வருகின்றனா் என்றாா்.