நாமக்கல்

இலவச மண் மாதிரி பரிசோதனை முகாம்

DIN

பரமத்தி வேலூா் வட்டம், ஜேடா்பாளையம் அருகே உள்ள ஆனங்கூரில் தோட்டக்கலை சாா்பில் இலவச மண் மாதிரி பரிசோதனை முகாம் வியாழக்கிழமை நடைபெற்றது.

அனைத்து கிராம வளா்ச்சி திட்டத்தின் கீழ், கபிலா்மலை வட்டாரம், ஆனங்கூா் கிராமத்தில் தோட்டக்கலை உதவி இயக்குநா் சின்னதுரை தலைமையில் மண் மாதிரி சேகரித்தல், ஆய்வு விழிப்புணா்வு முகாம் நடைபெற்றது. முகாமில் மண் பரிசோதனையின் முக்கியத்துவம் மற்றும் பயிரிடும் பயிா்கள் குறித்து எடுத்துக் கூறினா்.

திருச்செங்கோடு நடமாடும் மண் பரிசோதனை நிலையத்தின் பரிசோதனை வாகனம் மூலம், விவசாயிகளிடம் மண் மாதிரிகள் சேகரிக்கப்பட்டு பரிசோதனை செய்து ஆய்வறிக்கை வழங்கப்பட்டது. அறிக்கையில் பயிா் சாகுபடி செய்யவுள்ள நிலத்தின் கார, அமிலத் தன்மை, தொழு உரம், பயிருக்கு தேவையான நூண்ணூட்டச் சத்து மற்றும் பேரூட்டச்சத்துகள் குறித்த விவரங்கள் தெரிவிக்கப்பட்டு, அவற்றினை பயன்படுத்தும் அளவு ஆகியவை குறித்து மூத்த வேளாண்மை அலுவலா் செளந்திரராஜன் விவசாயிகளுக்கு விளக்கிக் கூறினாா். நிகழ்ச்சியில் நடமாடும் மண் பரிசோதனை நிலைய வேளாண்மை அலுவலா் அருள்ராணி, உதவி வேளாண்மை அலுவலா் ஜெயமணி மற்றும் உதவி தோட்டக்கலை அலுவலா் நவநீதகிருஷ்ணன் ஆகியோா் உடன் இருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பூந்தமல்லி அருகே ஹிந்து அமைப்புத் தலைவர் வெட்டிக் கொலை!

காங்கிரஸ் - பாஜக: திட்டங்களை ஒப்பிட்டு மோடி பிரசாரம்!

புணே சிறுவனுக்கு வழங்கப்பட்ட ஜாமீன் ரத்து!

'மஞ்ஞுமல் பாய்ஸ்' படத் தயாரிப்பு நிறுவனத்துக்கு இளையராஜா நோட்டீஸ்!

ராஜஸ்தான் அணிக்கு 173 ரன்கள் இலக்கு!

SCROLL FOR NEXT