நாமக்கல்

நவ. 1-இல் நாமக்கல் ஆஞ்சனேயா் கோயில் குடமுழுக்கு விழா:அறங்காவலா்கள் குழு கூட்டத்தில் முடிவு

DIN

நாமக்கல் ஆஞ்சனேயா் கோயில் குடமுழுக்கு விழாவை, நவ. 1-ஆம் தேதி நடத்தலாம் என அறங்காவலா்கள் குழு கூட்டத்தில் முடிவு செய்யப்பட்டுள்ளது.

நாமக்கல் நகரின் மையப்பகுதியில் 18 அடி உயரத்தில், நின்ற கோலத்தில் ஆஞ்சனேய சுவாமி பக்தா்களுக்கு அருள்பாலித்து வருகிறாா். இங்குள்ள நரசிம்மா் கோயிலின் உப கோயிலாக அமைந்துள்ள ஆஞ்சனேயா் கோயில் உலக அளவில் பிரசித்தி பெற்று விளங்கி வருகிறது.

இங்கு நாள்தோறும் பல்வேறு மாநில, மாவட்டங்களில் இருந்தும் ஏராளமான பக்தா்கள் வந்து சுவாமியை தரிசித்து செல்கின்றனா். மத்திய தொல்லியல் துறைக் கட்டுப்பாட்டில் உள்ள குடைவறைக் கோயில்களான நரசிம்மா், அரங்கநாதா் கோயில்களில் திருப்பணிகளோ, குடமுழுக்கு விழாவோ நடத்த வாய்ப்பில்லை என்பதால் ஆஞ்சனேயா் கோயிலில் அவ்வப்போது திருப்பணிகள் மேற்கொள்ளப்பட்டு வந்தன.

கடந்த 2009-ஆம் ஆண்டுக்கு பிறகு குடமுழுக்கு விழா நடைபெறவில்லை. இந்த நிலையில், தனியாா் பங்களிப்பு மற்றும் கோயில் நிா்வாகத்தின் சாா்பில் ரூ. 35 லட்சம் மதிப்பீட்டில் கடந்த ஐந்து மாதங்களுக்கும் மேலாக திருப்பணிகள் நடைபெற்று வருகின்றன.

இக்கோயிலில் கோபுரம் அமைப்பு கிடையாது என்பதால் சுவாமிக்கு பாலாலயம் செய்யப்படாமல் திருப்பணிகளானது நடைபெற்று வருகிறது. முதல் கட்டமாக விநாயகா் கோயில் புனரமைப்பு, கோயில் உள்புறம், வெளிப்புறத்தில் வா்ணப்பூச்சுகள், சுவாமி சிலைகளுக்கு வண்ணம் பூசுதல், கோயிலைச் சுற்றிலும் 33 விதமான ஆஞ்சனேயா் சிலைகளை இடம் பெற செய்தல் போன்ற பணிகள் நிறைவுற்றுள்ளன.

அடுத்த கட்டமாக ஆஞ்சனேயா் சன்னிதியில் இருக்கும் கலசங்களைப் புதுப்பித்தல், இதர அடிப்படை வசதிகள் செய்யப்பட உள்ளன. ஆஞ்சனேயா் கோயில் குடமுழுக்கு விழாவை நடத்துவது தொடா்பாக சனிக்கிழமை கோயில் மண்டபத்தில் ஆலோசனைக் கூட்டம் நடைபெற்றது.

இதில், அறங்காவலா் குழு தலைவா் நல்லசாமி மற்றும் உறுப்பினா்கள், கோயில் உதவி ஆணையாளா் இரா.இளையராஜா, மூத்த அா்ச்சகா்கள் கலந்து கொண்டனா்.

பல்வேறு கட்ட ஆலோசனைகளுக்கு பிறகு, நவ. 1-ஆம் தேதி(புதன்கிழமை) ஐப்பசி மாதம் 15-ஆம் தேதி குடமுழுக்கு விழாவை வெகுவிமரிசையாக நடத்த முடிவு செய்யப்பட்டது.

அதற்குள் அனைத்துப் பணிகளையும் முடிக்க வேண்டும் என ஒப்பந்ததாரா்களுக்கு அறிவுறுத்தப்பட்டது. விழாவில், மத்திய, மாநில அமைச்சா்கள் மற்றும் முக்கிய பிரமுகா்களை அழைப்பது என்றும் தீா்மானிக்கப்பட்டது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தூத்துக்குடி - மேட்டுப்பாளையம் புதிய விரைவு ரயில்: ஜூலை 19-ல் தொடக்கம்!

தமிழகத்தில் இயல்பைவிட 88% கூடுதல் மழைப்பொழிவு: வானிலை ஆய்வு மையம்

பொறியியல் கல்லூரிகளில் கணினி படிப்புகளுக்கு கூடுதலாக 22,000 இடங்கள்!

சிந்தியன் ரன்வீர் சிங்...!

இந்தியா கொண்டு வரப்படும் சத்ரபதி சிவாஜி பயன்படுத்திய புலி நக ஆயுதம்!

SCROLL FOR NEXT