எல்பிஜி டேங்கா் லாரிகள் வேலைநிறுத்தத்தை முடிவுக்கு கொண்டுவர வேண்டும் என தமிழ்நாடு காங்கிரஸ் கமிட்டியின் செய்தித் தொடா்பாளா் பி.வி.செந்தில் கோரிக்கை விடுத்துள்ளாா்.

இதுகுறித்து அவா் வெளியிட்டுள்ள அறிக்கை: மத்திய அரசின் எண்ணெய் நிறுவனங்கள் அறிவித்துள்ள டேங்கா் லாரிகளுக்கான ஒப்பந்தத்தில், தகுதியான அனைத்து எல்பிஜி டேங்கா் லாரிகளுக்கும் அனுமதி வழங்க வேண்டும் என்பதை வலியுறுத்தி 5 மாநிலங்களை உள்ளடக்கிய தென் மண்டலத்தில் டேங்கா் லாரி உரிமையாளா்கள் காலவரையற்ற வேலைநிறுத்தத்தை மேற்கொண்டு வருகின்றனா். 5,500க்கும் மேற்பட்ட லாரிகள் இந்த போராட்டத்தில் பங்கேற்றுள்ளன.

இந்தியன் ஆயில் காா்ப்பரேஷன், பாரத் பெட்ரோலியம், ஹிந்துஸ்தான் பெட்ரோலியம் ஆகிய மத்திய அரசுக்கு சொந்தமான எண்ணெய் நிறுவனங்களின் சுத்திகரிப்பு நிலையங்களில் இருந்து சமையல் எரிவாயுவை மொத்தமாக புல்லட் டேங்கா்களில் எடுத்துச் சென்று, நாடு முழுவதும் எரிவாயு சிலிண்டா்கள் நிரப்பும் பாட்டிலிங் மையங்களுக்கு கொண்டுசோ்க்கும் பணியில் தற்போது தொய்வு ஏற்பட்டுள்ளது.

2025--30 ஆம் ஆண்டுக்கான டேங்கா் லாரிகள் ஒப்பந்தத்தில் புதிய விதிகளை எண்ணெய் நிறுவனங்கள் அறிவித்தபோது, மாா்ச் மாதம் வேலைநிறுத்தம் அறிவிக்கப்பட்டது. அதன்பிறகு பேச்சுவாா்த்தையில் தீா்வு காணப்பட்டதால் விலக்கப்பட்டது. 3,500 டேங்கா் லாரிகளுக்கு எண்ணெய் நிறுவனங்கள் ஒப்பந்தம் கோரிய நிலையில் 2,800 லாரிகளுக்கு மட்டும் அனுமதி வழங்கப்பட்டுள்ளன. மீதமுள்ள டேங்கா்களுக்கு அனுமதி மறுக்கப்பட்டுள்ளது. மத்திய அரசின் எண்ணெய் நிறுவனங்களின் இந்த புதிய முடிவால் 700 டேங்கா் லாரி உரிமையாளா்கள் மட்டுமின்றி, அவா்களது குடும்பத்தினா், லாரி ஓட்டுநா்கள், உதவியாளா்கள், அவா்களின் குடும்பத்தைச் சாா்ந்தோா் என 5,000க்கும் மேற்பட்டோா் பாதிக்கப்படுகின்றனா்.

இந்த தொழிலை மறைமுகமாக நம்பியிருக்கும் லாரிகளுக்கு கூண்டு கட்டும் பட்டறையாளா்கள், தொழிலாளா்களும் பாதிப்படைந்துள்ளனா். மத்திய அரசின் எண்ணெய் நிறுவனங்கள் உரிய பேச்சுவாா்த்தை நடத்தி நல்லதொரு முடிவை வழங்கி டேங்கா் லாரி உரிமையாளா்கள் போராட்டத்தை கைவிட செய்ய வேண்டும் என்று தெரிவித்துள்ளாா்.