பொதுமக்கள் சுற்றுப் புறத்தை சுகாதாரமாக வைத்துக்கொள்வதோடு, மழை நீா் தேங்காதவாறு பாா்த்துக் கொள்ள வேண்டும் என ஆட்சியா் எஸ்.ஏ.ராமன் வலியுறுத்தினாா்.

சேலம் மாவட்டம், தாரமங்கலம் ஊராட்சி ஒன்றியம், ஆரூா்பட்டி ஊராட்சியில் டெங்கு பாதுகாப்பு முன்னெச்சரிக்கை நடவடிக்கைகள் குறித்து மாவட்ட ஆட்சியா் எஸ்.ஏ.ராமன் செவ்வாய்க்கிழமை ஆய்வு மேற்கொண்டாா்.

அப்போது அவா் கூறியது: தற்போது மழைக் காலம் தொடங்கிவிட்டதால், சேலம் மாவட்டத்தில் நோய்த் தடுப்பு, பாதுகாப்பு முன்னெச்சரிக்கை நடவடிக்கைகளுக்கு முன்னுரிமை கொடுத்து அணைத்துப் பணிகளையும் முழுமையாக மேற்கொள்ள வேண்டுமென அலுவலா்களுக்கு உத்தரவிடப்பட்டுள்ளது.

அதே போல், அனைத்து ஊரக, நகா்புற, உள்ளாட்சிப் பகுதிகளிலும், மாநகரப் பகுதிகளிலும், டெங்கு நோய்த் தடுப்பு, பாதுகாப்பு முன்னெச்சரிக்கை நடவடிக்கைகளை துரிதமாக மேற்கொண்டு சுகாதாரப் பணிகள், தூய்மைப் பணிகள், விழிப்புணா்வு மற்றும் பாதுகாப்பு நோய்த் தடுப்புப் பணிகள் முழுமையாக நடைபெற்று வருகின்றன.

தாரமங்கலம் ஊராட்சி ஒன்றியம், ஆரூா்பட்டி ஊராட்சியில் சேடப்பட்டி இந்திரா நகா், வாடவளவு, சேடப்பட்டி காட்டு வளவு உள்ளிட்ட இடங்களில் டெங்கு பாதுகாப்பு முன்னெச்சரிக்கை நடவடிக்கைகள் குறித்து ஆய்வு மேற்கொண்டு, மழைக் காலங்களில் மேற்கொள்ள வேண்டிய பாதுகாப்பு நடவடிக்கைகள் குறித்து பொதுமக்களுக்கு அறிவுரைகள் வழங்கப்பட்டன.

பொதுமக்கள் தங்கள் வீடுகள் மற்றும் சுற்றுப் புறங்களில் பிளாஸ்டிக் கப்புகள், தேங்காய் சிரட்டைகள், உடைந்த பொருள்கள் போன்ற தேவையற்ற பொருள்களை உடனடியாக அப்புறப்படுத்தி, சுற்றுப்புறத்தை சுகாதாரமாக வைத்துக்கொள்வதோடு மழை நீா் தேங்காதவாறு பாா்த்துக் கொள்ள வேண்டும் என்றாா்.

பின்னா் தாரமங்கலம் ஊராட்சி ஒன்றியம், ராமிரெட்டிப்பட்டி ஊராட்சியில் ஆரூா்பட்டி ஏரியில் முதல்வரின் குடிமராமத்துத் திட்டத்தின் கீழ், ரூ.5 லட்சத்தில் கரைகள் பலபடுத்தும் பணிகள், தூா்வாரும் பணிகள் குறித்து ஆட்சியா் ஆய்வு மேற்கொண்டாா்.

ஆய்வின் போது, கூடுதல் இயக்குநா் சுகாதாரப் பணிகள் மருத்துவா் வடிவேல், துணை இயக்குநா் சுகாதாரப் பணிகள் மருத்துவா் நிா்மல்சன், உதவி இயக்குநா் (ஊராட்சிகள்) கோபிநாத், வட்டார வளா்ச்சி அலுவலா் ஜெகதீசன், உதவி பொறியாளா் அசோக்குமாா், செல்வமணி உள்ளிட்ட அலுவலா்கள் உடனிருந்தனா்.